Bonaire Featured

A risibí kwartiermaker pa mesa di klima Ed Nijpels na Boneiru


E kwartiermaker ku resientemente nan a nombra pa e mesa di klima na Boneiru, Ed Nijpels, e siman akí ta di bishita na nos isla pa un bishita di inventarisashon. Awe diputado di Medio Ambiente James Kroon a risibié kordialmente na Aeropuerto Flamingo. 

Nijpels tin un siman hopi okupá su dilanti. E tin diferente konsulta ku gezaghèber Edison Rijna, e diputadonan i empleadonan públiko di direktorado di Planifikashon i Desaroyo. Riba agènda tin tambe vários kòmbersashon ku diferente stakeholder for di mundu empresarial i organisashonnan di naturalesa. Meta di e bishita di trabou akí ta pa haña mas tantu informashon posibel tokante e situashon relashoná ku klima na nos isla, pa seguidamente kuminsá traha ku un aserkamentu konhunto pa kombatimentu di e konsekuensianan di kambio di klima na Boneiru. 

Diputado Kroon ta amplia: “Mirando su eksperensia amplio komo anterior presidente di e Akuerdo di Energia i e Konsulta di Progreso Akuerdo di Klima, a selektá Nijpels pa, riba petishon di Entidat Públiko Boneiru yuda ku lantamentu di e mesa di klima akí: un plataforma sentral kaminda ta trese tur konosementu i maneho relevante ku enfoke riba adaptashon i mitigashon huntu i kaminda ta prepará eskohonan di maneho.”

Related posts

Con ta para cu e situacion financiero di Arubus ?

EA News Author

Departamento di Aduana ta inicia opleiding Kommies der Invoerrechten en Accijnzen

EA News Author

Aruba ta conose 81 caso nobo di COVID-19 y 1 Morto!

EA News Author

Leave a Comment

Whatsapp Message