Local

A soluciona problema di awa riba e speelplaats di Sint Aloysius school

A Soluciona Problema Di Awa Riba E Speelplaats Di Sint Aloysius School 2

A traha riba e drenahe di awa di e scol pa percura pa awa no keda para riba e speelplaats mas. Luna pasa a inicia cu e etapa final di e renobacion di scol basico Sint Aloysius School. 

Manera ta conoci, na momento cu awa yobe e speelplaats aki tabata haya un plas grandi di awa. Recientemente, a traha riba e drenahe di awa di Sint Aloysius School pa percura pa awa sali banda di pariba y a traves di un tubo nobo conecta na e rooi existente y garantisa pa awa no keda para riba e speelplaats di scol mas. A ranca e asfalt  por completo pa despues atende cu e fundeshi. 

A pone “betonband” di 30 cm largo y 15 cm hancho. Comienso di September, a basha e asfalt nobo pa asina termina e trabou. Esaki a dura 3 dia pa mara y seca bon. Pues asina aki, a yega na culminacion di e proyecto di renobacion di Sint Aloysius. Di e acuerdo cu e plan, ta coordinando tur cos pa e team di Sint Aloysius cuminsa muda fin di September 2023 den nan edificio nobo. Minister Endy Croes ta gradici Dienst Openbare Werken Aruba (DOW) pa e gran trabou cu nan a haci. Alavez, ta gradici tur cu a forma parti di e gran proyecto di renobacion aki. Masha pabien na henter e ekipo di Sint Aloysius School.

A Soluciona Problema Di Awa Riba E Speelplaats Di Sint Aloysius School 1A Soluciona Problema Di Awa Riba E Speelplaats Di Sint Aloysius School 4A Soluciona Problema Di Awa Riba E Speelplaats Di Sint Aloysius School 3

Related posts

Daphne Lejuez: ‘Utilizando energia renobabel lo reduci nos dependencia riba fossil fuels y costo di awa y coriente’

EA News Author

Anuncio di Morto: A fayece Grace Marie Lejuez-Hering

EA News Author

Boneiro a habri aña 2023

EA News Author

Leave a Comment

Whatsapp Message