Tur hende tabata en espera di resultado di e reunión di Conseho di Minister di Reino diabierna mainta. E motibo tal e conseho di aanwijzing di CAft cu tabata pendiente riba mesa.
Pero manera tabata di spera y mirando e ultimo desaroyonan unda inclusivo a bisa cu Aruba no mester di e ayudo di likides pa e ultimo kwartaal mas y cu lo tin un surplus, e aanwijzing no a bini. Esaki ta nifica cu Aruba ta canando e caminda cu Hulanda a pidi y poco-poco ta yegando e meta cu a pone pa sali di e situacion dificil cu tabata aden. No a soluciona tur e problema pero si a stabilisa e situacion cu por cuminsa cana e caminda di recuperacion, Esaki ta muestra di traha como un team y logra pa Hulanda mira e caminda cu Aryba a scoge pa sali di e situacion finansiero cu e ta hinca aden y pa e keda respeta tambe. Hopi biaha Hulanda kier trata di maneha Aruba manera Hulanda ta wordo maneha pero e realidad ta cu Aruba ta un Pais diferente cu Hulanda y e ta keda maneha diferente tambe. Awe Prome Minister Evelyn Wever Croes y Minister di Finansas Xiomara Maduro dos hende muhe cu balentia y cu ta stima Aruba a sa di sinta na mesa cu Hulanda y laga nan compronde tambe e rumbo cu Aruba ta bayendo. Aruba ta canando den bon direccion y ta spera di sigui asina tambe. Aruba mester di nos tur pa e por sigui bay dilanti como pais pa nos sigiente generacionnan tin un Aruba stabiel pa biba den dje. Nos como ciudadano mester para hunto pa asina hunto nos crea e Aruba di futuro. Si bo Pais ta bon nos tur riba e pida baranca aki ta bon.