ACE Club ta presentá ku orguyo “Bòshi Aventura”, un aporte musikal alegre pa Siman di Buki pa Mucha 2025. E kantika ta inspirá riba e tema di e siman i ta hiba tur mucha den un mundu di fantasia, amistat i aventura.
Hóbenan di ACE Club, huntu ku nan coach, a traha riba e kantika i e vidio klep durante un seshon kreativo ku tabatin. E vidio klep ta un refleho di nan propio imaginashon, kaminda nan a duna bida na kada palabra pa medio di koló, moveshon i ritmo. Bòshi Aventura no ta djisun kantika, sino un ekspreshon di e kreatividat i poder di imaginashon di e hóbennan Boneriano.
Ku Bòshi Aventura, ACE ta sigui ku su meta pa uni músika, arte i edukashon.
ACE ta invitá komunidat boneriano pa keda pendiente pa lansamentu ofisial di e kantika i pa hopi mas sorpresa músikal ku ta na kaminda.