Presidente di Parlamento di Corsou, Fergino Brownbill, a manda un advertencia cla y raspa pa Aruba: “Tene cuenta cu pa varios aña Corsou mes ta trata di sali for di e Colegio di Supervision Financiero (CFT) y no ta logrando.”
E debate constitucional y financiero entre e islanan di Reino y Hulanda ta keda central, specialmente awor cu Aruba ta bou di presion pa acepta e Consensus Rijkswet HOFA (Houdbare Overheidsfinanciën Aruba). For di Willemstad, e señalnan ta di preocupacion pa e forma con e supervision aki por mara e autonomia di un pais pa largo plaso.
E Diferencia Crucial Entre Corsou Y Aruba
Segun e analisis structural, e unico diferencia den e status actual entre e islanan ta e via legal via cual Hulanda tin acceso na e maneho financiero. Mientras cu Corsou y Sint Maarten ta wordo supervisá a base di e Rijkswet Financieel Toezicht (Rft), Aruba ta enfrentando e implementacion di e Rijkswet HOFA.
Corsou no a pasa un landsverordening (ley nacional) pa entrega su maneho financiero structuralmente na Hulanda; nan ta atende via e Rft, locual ta nifica cu supervision t’ey via e organo di Raft, pero Corsou mes ta keda tuma decision riba su finansanan via su propio leynan nacional (landsverordeningen).
Den cuadro di esaki, e maximo autoridad di Parlamento di Corsou a splica e situacion actual di supervision:
For di e punto di bista di Den Haag, e argumento principal pa impone e supervision aki ta cu e maneho financiero na Aruba no ta wordo bistí como uno suficientemente solido. Pa e motibo ey, Hulanda ta pushando rigidamente pa introduci e CFT structuralmente na Aruba via un Rijkswet, aparentemente.
Den e ultimo interactuacionnan oficial entre e parlamentonan di e islanan, Corsou a compartí su experiencia real cu Aruba, sirbiendo como un spiel pa e futuro financiero di e isla.
E mensahe for di Corsou ta bini na un momento crucial caminda e decision riba HOFA por definí e rumbo economico di Aruba pa e proximo decadanan. Mientras Corsou ta trahando duru internamente pa demostra solides y asina forsa e disolucion di e CFT structuralmente, e advertencia pa Aruba ta keda firme: drenta den un cuadro di supervision di Rijkswet ta facil, pero sali for di dje ta un caminda largo, tedioso y cu ta dependé grandemente di e boluntad politico di Hulanda.