Di 13 pa 15 di october 2026, Aruba a tuma parte den e di 6 edicion di e Campeonato Intercontinental di Ahedres pa Preso, conoci como “Chess for Freedom”. E evento internacional aki, cu a tuma luga online, ta uza ahedres como un herment pa promove desaroyo personal, disciplina, pensamento strategico y inclusion social pa e presonan.
E proyecto ta fruto di un aña y mey di trabou continuo na Aruba, organisa pa Federacion di Ahedres di Aruba (FAA) en colaboracion cu Korrectie Instituut Aruba (KIA).
Participacion Historico y Resultado
Den e edicion aki, Aruba tabatin un delegacion di 17 participante reparti den tres ekipo:
- Ekipo di Hubentud (Youth Team): Formá pa 6 participante, kende a logra e di cuater luga.
- Ekipo di HVB: Formá pa 5 participante, kende a termina na di tres luga.
- Ekipo di Strafafdeling: Formá pa 6 participante, kende a keda na di cuater luga.
E programa aki ta busca pa duna e participantenan oportunidad di desaroyo y competencia na nivel internacional como paso pa nan proceso di reintegracion. Ministerio di Husticia y Deporte a confirma cu lo sigui colabora cu Federacion di Ahedres di Aruba pa provee e ekipamento y recursonan necesario pa e programa aki sigui expande den futuro.
