PoliticaFeaturedLocal

Aruba a propone pa bin cu un solucion “Hibride “

Evelyn

Nos di EA News a tene un entrevista exclusivo cu prome minister di Aruba Evelyn Wever Croes riba e desaroyonan cu ta tumando luga entre Aruba y Hulanda. Prome minister Evelyn Wever Croes ta elabora cu dia 22 di augustus tabatin un reunion den parlamento di Aruba , esey ta basa riba un proposicion cu Hulanda a duna Aruba net prome cu reces cu no ta necesario pa sigui riba un RAFT , pero cu por traha riba un otro Rijkswet , esaki ta e proposicion cu  gobierno di Aruba a haya prome cu reces, y pa es motibo aki mester a warda parlamento bin bek for di reces y asina tabatin un reunion den parlamento. 

E reunion a continua dia 7 di september ultimo y na final parlamento a vota pa elimina e RAFT, dus trek in e RAFT. Segun prome minister tabatin un intento di oposicion minoritario cu ta e parlamentarionan independiente  y di fraccion di MAS y Accion 21 a trece un mocion padilanti y e mocion ta urgi gobierno pa firma  RAFT lihe prome cu 1 di october, pero e peticion aki a keda bari for di mesa totalmente unda cu tabatin 16 voto contra di e grupo di oposicion den parlamento. 

Loke tabata bon cla cu parlamento a papia dia 7 di september unda cu e la duna su opinion final di e RAFT unda cu e mester wordo hala aden. Segun prome minister Evelyn Wever Croes na momento cu un parlamento vocifera den un mocion cu mester trek in e RAFT, gobierno den su turno no por sigui papia di RAFT, y esaki ta loke cu ta pasando tambe na e momentonan aki. 

Na mes momento parlamento a pidi gobierno pa sigui negosha y a duna un cuadro cu si den e negociacion mester papia di un Rijkswet , e ora parlamento tin cierto exigencianan cu e ta pone na dje. 

A referi na puntonan cu nan a yega na acuerdo cu ne hunto cu parlamentonan di Hulanda, Curaçao, Aruba y  St Maarten den e reunionnan di IPKO . E acuerdonan aki ta ,Si ta traha riba un Rijkswet , mester envolvi parlamento hopi trempan , mirando cu e RAFT parlamento no a wordo envolvi y secretario di estado Raymond Knops no tabata kier mes pa duna e documentonan na parlamento e tempo ey.  Esaki sigur no tabata na su luga y tabata un fout grandi cu a keda cometi, pero e tempo ey Hulanda no tabata kier a scucha, pero awo parlamento a pone esaki como condicion.  

Tambe parlamento di Aruba a pone como condicion pa envolvi nan y tene cuenta cu parlamento durante di e proceso, pa asina parlamento no haye na final cu un concepto di ley cu nan no ta haya nan mes den dje. 

Tambe parlamento a pidi pa respeta e bugedrecht di parlamento, esaki kiermen e autoridad financiero cu parlamento tin  y respeta e derecho democratico di cada ciudadano di pais Aruba. Esaki ta e cuadro y esaki ta loke cu Aruba ta negoshando cu Hulanda. 

Di e manera aki gobierno di Aruba a haci un proposicion cu Hulanda unda cu a manda un draft acuerdo di principio y eyden a propone pa bin cu un solucion “Hibride “  y esaki kiermen kier un Rijkswet cu algun punto regla den dje y un Landsverordering cu ta un ley local cu otro puntonan regla den dje. Esaki kiermen reparti loke cu awor ta den LAFT.  Actualmente Hulanda kier full e LAFT den un Rijkswet y parlamento no a bay diacuerdo cu ne. Cu e decision aki awo ta partiendo tur loke cu tin den LAFT,  kico lo por bay pa Rijkswet  y kico lo tin cu keda den Landsverordering. 

Sinembargo Hulanda no a contesta ainda riba e proposicion cu Aruba a haci, pero na final a duna un comentario. Pa Hulanda e normen mester bay den Rijkswet, pero te ainda no sa cua di e normennan cu Hulanda ta referi na dje, y Aruba tin tres norm. 

Segun prome minister Evelyn Wever Croes un di e tres normen nan ta cu tur presupuesto mester tin un surplus di porlomenos 1 % , un otro norm ta cu Aruba su gasto personal no por pasa 10% cu tin nos GDP y e otro norm ta cu na aña 2031 Aruba mester yega 70 % di nos debe di GDP y na 2040 50%. 

Prome Minister Evelyn Wever Croes ta indica cu na e momentonan aki Aruba y Hulanda ta den e proceso aki den negociacion cu Hulanda   pa asina tende di nan cua normen si y kico mas lo nan kier den un Rijkswet, y Aruba ta pendiente di esey. 

Related posts

Minguel Mansur Accion 21: Aruba un paso mas cerca di Dictadura!

EA News Author

Bunita Bos di KiNiKi Festival 2021 a tuma luga na cas di cultura

EA News Author

Cas Princesa Aruba ta activo

EA News Author

Leave a Comment

Whatsapp Message