Aruba One Happy Island Lions Club ta anuncia cu e preparacionnan pa nos proyectonan di servicio pa luna di December ta andando. Durante e luna di fiesta, nos club lo sigui sirbi nos comunidad cu un serie di iniciativa dedica na bienestar social, apoyo familiar y motivacion pa un estilo di bida saludabel.
𝑃𝑟𝑜𝑦𝑒𝑐𝑡𝑜𝑛𝑎𝑛 𝑑𝑖 𝑆𝑒𝑟𝑣𝑖𝑐𝑖𝑜 – 𝐷𝑒𝑐𝑒𝑚𝑏𝑒𝑟 𝟐0𝟐5
𝙐𝙣 𝙨𝙤𝙣𝙧𝙞𝙨𝙖 𝙥𝙖 𝙣𝙤𝙨 𝙢𝙪𝙘𝙝𝙖𝙣𝙖𝙣: Esaki ta un celebracion di Pasco dedica na yiu di famianan cu tin recursonan limita, cu regalo, wega, entretenimiento y un ambiente di alegria.
𝙏𝙖𝙮𝙤 𝙍𝙞𝙗𝙖 𝙈𝙚𝙨𝙖 𝙀𝙙𝙞𝙘𝙞𝙤𝙣 𝙓-𝙢𝙖𝙨 : Un programa pa yuda combati hamber y yuda famianan cu ta pasa den situacion dificil, cu macuto di cuminda y cuminda cayente durante e luna di December. Dianan 6, 7, 13 y 14 di december bo lo por entrega bo donacion di comestibel, cuminda seco, productonan personal, higienico, regalo pa mucha na Centro Kibrahacha na Piedra Plat durante 10 or di mainta pa 1 or di merdia.
𝘾𝙖𝙢𝙞𝙣𝙖𝙩𝙖 𝙥𝙖 𝙗𝙤 𝙎𝙖𝙡𝙪𝙙 𝙮 𝘽𝙞𝙚𝙣𝙚𝙨𝙩𝙖𝙧 – Dia 17 di december 2025, cuminsandopa 5 or di atardi di atardi nos lo organisa un caminata familiar pa promove Salud y Bienestar riba Linear Park, participacion ta 5 florin y na final bo lo ricibi un bunita medaya y fruta. Por inscribi via nos whatsapp 568-0829 y asina reserva bo luga. E caminta aki ta pa promove Salud y Bienestar, pero tambe bo por scoge un causa cu bo ta desea di cana pe, por ehempel conscientizacion di Cancer, Diabetese, Medio Ambiente, Hubentud, Vision (bista), Salud Mental, Ayudo Humanitario, Mitiga Hamber. Bo mes por scoge bo causa y pone esaki segun bo creatividad riba bo T-shirt.
𝙂𝙖𝙣𝙖𝙙𝙤𝙣𝙖𝙣 𝘾𝙤𝙣𝙘𝙪𝙧𝙨𝙤 𝙋𝙞𝙣𝙩𝙖𝙢𝙚𝙣𝙩𝙤 𝙥𝙖 𝙋𝙖𝙯 – E entrega di premio di e ganadonan di e Concurso di Pintamento pa Paz lo tuma luga den luna di december 2025. Aki ta reconoce e hobennan artista cu a expresa nan creatividad y mensahe di paz. Un total di 55 studiante di St. Paulus School a participa den e competencia aki.
𝘽𝙚𝙣𝙩𝙖 𝙙𝙞 𝙍𝙞𝙛𝙖 𝙙𝙞 𝙃𝙖𝙧𝙡𝙚𝙮-𝘿𝙖𝙫𝙞𝙙𝙨𝙤𝙣 – E benta di rifa ta sigui cu e oportunidad di gana un Harley-Davidson Fat Boy – 120th Anniversary Edition of AWG 35 mil cash como gran premio.
Bo por cumpra bo ticket tur diasabra y diadomingo na PriceSmart na Dakota, of tuma contacto cu cualkier miembro di Aruba One Happy Island Lions Club. Comerciantenan cu ta desea di contribui pa e bon causa aki por tuma contacto cu nos y nos lo yega te na boso porta di negoshi. E rifa aki ta danki na e iniciativa di Old Skool Bikers cu e programa ‘Helping the Helpers”.
𝑺𝒐𝒔𝒕𝒆𝒏𝒆 𝒏𝒐𝒔 𝒑𝒓𝒐𝒚𝒆𝒄𝒕𝒐𝒏𝒂𝒏 𝒅𝒊 𝑫𝒆𝒄𝒆𝒎𝒃𝒆𝒓:
Bo tambe por sostene nos proyectonan door di haci un donacion na Aruba Bank – Fundacion One Happy Island Lions Club, Account: 6005880190, anotacion: OHIL Servicio. Si bo ta desea mas informacion bo por contact nos via whatsapp na 568-0829 pa mas informacion.
𝘽𝙤 𝙩𝙖 𝙞𝙣𝙩𝙚𝙧𝙚𝙨𝙖 𝙥𝙖 𝙗𝙞𝙧𝙖 𝙪𝙣 “𝙁𝙧𝙞𝙚𝙣𝙙 𝙤𝙛 𝙇𝙞𝙤𝙣𝙨” 𝙮 𝙮𝙪𝙙𝙖 𝙘𝙤𝙢𝙪𝙣𝙞𝙙𝙖𝙙?
Bo por tuma contacto cu nos den cualkier momento.
For di awor caba Aruba One Happy Island Lions Club ta gradici un y tur cu a duna nan sosten na nos organizacion di un of otro manera, masha danki, hunto cu e sosten di boso nos ta sigui sirbi esnan den comunidad cu ta den necesidad.
Press release:
