Den conferencia di prensa, Ferdinand Franca, Lider Artistico di Fundacion Salvaguardia e Herencia Cultural di Aruba, a anuncia e actividadnan cu lo tin den e siman di cultura. E siman aki lo tuma luga for di 19 di september te 26 di september.
E siman aki lo ta un honor y un siman yen cu diferente actividad y meta principal pa train the trainers. E meta ta pa engrandece e cultura y tradicionnan di nos pais, y tambe pa duna formacion artistico. Lo tin diferente charla cu ta trece importante informacion tocante nos cultura y documentacion pa e futuro generacion.
Ademas, lo tin diferente tayernan manera tayer di baile, tayer di teatro, di canto, obranan di man y arte culinario crioyo. Tur esaki lo tuma luga na Scol di Arte San Nicolas, cual lo ta un luga artistico cultural cu presentacion di baile, teatro y cuminda. Bo kier sa mas di bo propio identidad, e pais cu bo ta biba riba dje, di unda nos ta bin, su custumbernan, cuminda, baile, cultura y tradicionnan? Participa na e siman di cultura na Scol di Arte San Nicolas.