Entidat Públiko Boneiru ta atvertí pa riesgo pa kuminda di bòter dañá pa beibi di e marka Similac. Ta trata di ‘Infant Formula’ ku e kódigo di produkto 41754N2 i ku fecha di vensementu 1JUN2023 (1 di yüni 2023).
Nan a yama mas tantu posibel di e produktonan en kestion bèk, pasobra probablemente esakinan no ta bon será. Uso di kuminda di bòter dañá por kondusí na diarea i sakamentu.
Si bo a kumpra e produkto akí, nos ta konsehá bo pa no us’é. Direktorado di Supervishon i Mantenshon di Lei ta tene e situashon akí bon na bista. Pa eventual pregunta bo por tuma kontakto ku Direktorado di Supervishon i Mantenshon di Lei via 715 – 5300.