Diasabra anochi, na Caya Betico Croes, prome cu yega na rotonde di Tarabana, un chauffeur di un Kia Picanto a perde control di e vehiculo pa motibo aún desconosí y a dal duru kontra di un palo di lus. E impacto tabata tan fuerte cu e auto a bolter inmediatamente despues di e kolishon.
Ofisialnan di polis y ambulans a yega rapidamente na e sitio. E chauffeur, cu tabata heridá, a wordo transportá pa atenshon médico.
Pa motibo di e fuerte impacto y e peliger cu e wayanan di corriente tabata representa, polis a cera e caminda na dos banda pa garantisá seguridad y pa duna oportunidad na ELMAR pa restoura e situashon na manera sigur. Segun polis, mirando e daño y e forma di e aksidente, velosidat halto probablemente a hunga un papel importante den e sucedido.
