Un compleho di apartamento na Schammenkamp na Rotterdam ta den candela. E candela a cuminsa despues di un explosion, segun e siguridad di e region Rotterdam-Rijnmond. Varios persona a keda herida. Un vocero di Siguridad Regional no por bisa ki tipo di heridonan ta trata.
Vocero di e region di siguridad ainda no por bisa nada mas di e magnitud, gravedad of naturalesa di e incidente. E candela ta sali for di e parti di e edificio cu a sufri hopi daño. Decenas di bentana di casnan y edificionan den direccion di e candela a kibra.
‘Auto den garashi a explota y a causa e incendio aki. ‘
Segun medionan regional, e explosion na Rotterdam-Zuid ta trata di un auto cu a explota. E vehiculo aki lo tabata para den un garashi na tereno. E candela lo a pasa for di e vehiculo pa e compleho di vivienda y cu consecuencia cu tin varios herido.
Den e caya e glasnan di varios cas lo a rementa. E explosion a keda scucha for di un distancia grandi.
Algun persona den e bario tabata basta spanta , “Hende tabata yora, hopi hende a keda spanta. Hende no por kere loke a pasa”.
E ta bisa ku na e momento aki niun hende no por drenta ni sali. “Ta parce ku henter e departamento di bombero di Rotterdam a bay.