Autoridadnan en busca di evidencia cerca tur cu a brinda servicio na fundación di POR

Inval den Papayastraat y na Venezuelastraat Diabierna mainta, tabata relaciona cu investigacion den caso Diamante.
Autoridadnan ta en busca di evidencia di e sospecho cu tin contra Alan Howell y Jacky van Putten di e Stichting di Partido POR. Durante cu nan tabata maneha e fundación, tabata haci uzo di servicio di diferente persona of compania.

E-Arubiano Productions & Media ta un agencia estableci pa casi cinco aña caba y trahando riba e tereno aki cu profesionalismo brindando servicio di PR & Marketing na diferente partido y politiconan, pero tambe companianan gubernamental y di sector priva, tanto na Aruba como internacionalmente. Den esaki sr. Alan Howell y su fundación tabata un di su clientenan.

Como un proveedor di servicio, mescos cu tur otro cu a haci esaki na e fundacion, lo haya bishita di autoridadnan den cuadro di e investigación andando. Den e caso specifico aki, autoridadnan tabata en busca di tur invoice manda pa e servicionan brinda. Tambe nan kier haya sa kico a wordo paga caba y cual invoicenan ta habri.
E bishita di autoridadnan tabata specificamente en busca di prueba contra e dos sospechoso y no contra E-Arubiano Productions & Media.

Gerencia di E-Arubiano Productions & Media a coopera pa entrega tur e parti di administración cu ta regarda e tema aki di caso Diamante.