ORANJESTAD,Aruba
| Cada par di aña biblioteca ta investiga kico comunidad ta spera di su biblioteca y con por mehora e servicio na publico. Biblioteca Nacional Aruba kier encurasha su usuarionan, miembronan y pueblo di Aruba en general pa tuma parti di su encuesta digital. Cu e encuesta aki Biblioteca Nacional Aruba kier haya sa con pa mihor sirbi e pueblo di Aruba via su rednan social. Biblioteca semper kier tende e opinion di su publico y cu e encuesta aki Biblioteca kier yega mas cerca di e grupo den nos comunidad entre 15 y 30 aña di edad. Esaki pa mehora comunicacion y haya sa mas di e deseonan di e grupo aki pa cu e servicio di biblioteca. E encuesta ta disponibel pa tur esnan interesa pa participa y duna feedback for di awe te cu dia prome di mei 2020. Participacion den e encuesta aki ta esencial pa biblioteca por brinda un miho servicio na publico, specialmente na e momento nan aki cu e edificionan ta cera. E resultado di e encuesta aki lo duna Biblioteca Nacional Aruba e informacion necesario pa facilita e adaptacion di su servicionan online. Pa yena e encuesta mes por bay na https://bna.aw/encuesta |
