SabaFeaturedInternacional

Bishita di Minister Dijkgraaf na Saba, Sint Eustatius i Sint Maarten

Robbert Dijkgraaf

Minister Robbert Dijkgraaf (Enseñansa, Kultura, i Siensia) ta bishitá Saba, Sint Eustatius i Sint Maarten di 3 te ku 5 di aprel. E bishita ta karakterisá pa e Konsulta Ministerial di Kuater Pais Enseñansa, Kultura i Siensia i e konmemorashon di e pasado di sklabitut. Minister Dijkgraaf ta e minister kordinadó di e Aña Konmemorativo di Pasado di Sklabitut.

Aki bou ta sigui un bista general di e bishitanan i kòmbersashonnan ku e minister lo tene ku diferente partido na e islanan.

Saba

Na Saba Gezaghèber Jonathan Johnson lo risibí minister Dijkgraaf. Despues lo e drenta den kòmbersashon ku e Kolegio Ehekutivo i e Konseho Insular. E tópikonan prinsipal na òrdu durante e bishita ta Enseñansa, Pasado di Sklabitut i e transishon pa studiantenan ku ta sigui un estudio superior. Pa klousura su bishita e minister lo bishita Saba Heritage Center.

Sint Eustatius

Na Sint Eustatius minister Dijkgraaf ta papia ku e Kolegio Ehekutivo i e Konseho Insular. Despues Minister Dijkgraaf lo bishitá skol Gwendolyn van Putten. Den e oranan di atardi e minister lo bishitá e Planetarium, siguí pa un Rekorido di Oranjestad, e Plantashon Godett i Fort  Amsterdam pa haña mas konosementu den su papel komo minister kordinadó pa e Aña Konmemorativo di e Pasado di Sklabitut.

Sint Maarten

Na Sint Maarten durante di su bishita e minister lo tin un kòmbersashon ku e Gobernador di Sint Maarten, siguí pa un bishita na e minister di Education, Culture, Youth & Sports (Edukashon, Kultura, Hubentut i Deporte) sr. Rodolphe E. Samuel. Despues di esaki Minister Dijkgraaf lo bishitá Universidat di Sint Maarten i NIPA komo klousura di su bishita na e isla.

Related posts

Si intensive care mester yena lo yega un momento cu mester dicidi kende lo bay na mashin y kende no, BO COMPORTACION TA DEPENDE DI E SITUACION

EA News Author

Aruba ta raporta riba e implementacion di e SDGS hunto cu e otro paisnan den Reino Hulandes

EA News Author

Boneiru ta arma su mes kontra kriminalidat organisá

EA News Author

Leave a Comment

Whatsapp Message