ORANJESTAD,Aruba
a medio di esaki Directie DGWA ta partisipa lo siguiente:
Gerente di KIA kier avisa pueblo di Aruba, en particular familiar, abogado, differente departamentonan concerni cu ta bishita detenidonan den KIA, cu entrante dialuna, 10 di augustus 2020, tur bishita ta wordo para pa motibo di e situacion di Covid-19. KIA ta preparando pa detenidonan por tin contact cu nan famia, abogado y differente departemento concerni por medio di Skype cuminsando dialuna awo dia
10-08-2020. E decision aki a wordo tuma pa e seguridad y salud di cada un detenido y personal den KIA.
KIA ta pidi na tur bishitante di KIA pa notifica na nan ser keri cu ta deteni den KIA nan Skype account. Encaso cu e famia no tin un Skype account, nos ta pidi cariñosamente si bo persona por traha un account pa asina nos por brinda e comunicacion entre bo persona y bo ser keri mas pronto possible. KIA lo notifica si lo tin cualkier cambio den e bishita. KIA ta pidi comprension pa e situacion aki y ta desea full pueblo di Aruba pa sigui e reglanan cu Gobierno ta duna y pa cada un di nos keda den bon salud.