SocialFeaturedLocal

Brenchie’s Lab cu coleccion di data pa Ocean Science

Naturalesa

Metabolic Foundation ta contento di por annuncia cu a ricibi fondo di UNESCO pa eherce algun experimento pa colecciona data riba lama den e periodo di October 2021 te Maart 2022 cu Brenchie’s Lab.

Na 2019 Metabolic Foundation bou di e proyecto Brenchie’s Lab a cuminsa traha riba un programa di actividad pa colecciona data riba nos calidad di aire, y vegetation (NDVI), y a organiza workshopnan riba visualisacion di data usando e programa ‘Processing’ y analisis di imagen usando inteligencia artificial, cu e programa ‘Tensorflow’. Por wak mas detaye di e actividadnan aki riba e pagina science.brenchies.com.

Cu e proyecto aki lo sigui desaroya sistema pa colecciona data riba nos medio ambiente pero cu un enfoque riba lama. Lo haci analisis di micro-plastico den santo blanco, lo analisa e hanchura di nos playanan usando imagenan satellite,  lo midi acidification di algun lama, como tambe e cambio den e nivel di lama na differente playa.

E meta ta pa e trabou aki por ta di balor pa Aruba monitorea e cambionan cu ta pasando den nos medio ambiente den un forma cu ta publicamente accessible y lo por yuda Aruba raporta mas data pa e Sustainable Development Goals.

E programa aki lo wordo haci di un forma habri pa participacion. Si tin persona interesa den e coleccion di data cu lo kier participa den e processo aki tuma contacto cu Brenchie’s Lab na lab@brenchies.com of sigui Brenchie’s riba Instagram pa keda informa riba actividadnan cu lo tuma lugar te cu Maart 2022.

Related posts

Palomarga un compleho deportivo cu a ser lubida pa varios aña caba!

EA News Author

Bishita di Famia Real a culmina cu un bunita anochi cultural riba Plaza Padu

EA News Author

Dia 21 di september lo cera tratamento di caso IBIS y despues di tres siman ta dicta sentencia

EA News Author

1 comment

Brenchie’s Lab cu coleccion di data pa Ocean Science - Tur Notisia October 17, 2021 at 10:04 am

[…] e coleccion di data cu lo kier participa den e processo aki tuma contacto cu Brenchie’s Lab na [email protected] of sigui Brenchie’s riba Instagram pa keda informa riba actividadnan cu lo tuma lugar te cu Maart […]

Reply

Leave a Comment

Whatsapp Message