Gerencia di cas di cultura ta contento di por comparti cu Stichting Schouwburg Aruba (Cas di Cultura) a haya oficialmente e status di ANBI (Algemeen Nut Beogende Instelling)— un reconocemento prestigioso duna solamente na organisacionnan cu ta haci un impacto significante den e comunidad.
Esaki ta fortalece nos fundeshi, ta impulsa confiansa pa sponser y partnernan, y ta habri oportunidadnan mas grandi pa inversion cultural specialmente a traves di fondonan Hulandes cu beneficionan di belasting.
Awo cu nos ta move den direccion di nos futuro renobacion y programacion amplia, e logro aki ta sirbi como un fundeshi poderoso pa loke ta nos dilanti!