Bonaire

Chon Theodora ta bolbe subi lista di MPB

Chon Theordora

Chon Theodora ta bolbe subi e lista di MPB i ta preparando pa partisipá na elekshon di Konseho Insular na mart 2023.

Chon a nase na Boneiru den e bario di Antriol pariba komo e yu mas chiki di Clara Theodora-Statie i Ròbert Theodora. Ku 5 aña el a bai biba na Kòrsou ku su mayornan hasiendo su estudionan ku éksito. Pero tòg su promé trabou tabata na Boneiru pa Radio Nederland Wereld Omroep. Despues e ta regresá Kòrsou pa drenta enseñansa komo dosente, pa 38 aña despues regresá Boneiru komo penshonado.

Na Boneiru Chon a kontribuí pa un periodo di tres aña ku enseñansa na SGB pa despues sigui solamente ku aktividatnan boluntario manera entre otro :

  • Entrevistadó pa Fundashon Históriko Kultural Boneriano (FUHIKUBO), kaminda e ta yuda reskatá nos balornan históriko kultural.
  • Ko-presentadó di e programa radial “Beku”.
  • Sostenedó di komishon “Luna Yén”.
  • Sekretario di Vereniging AOV-belangen Curaçao (VAC), pa medio di kual mester a

sali na defensa di nos penshonadonan, pa restablesé nan pinshon di behes fo’i Kòrsou konforme lei.

  • Yuda entretené nos grandinan den forma musikal.
  • Miembro di grupo musikal “Villa ta kanta”.
  • Miembro di organisashon “Man on the Move”.
  • Miembro di direktiva di “Movementu di Pueblo Boneriano”.
  • Miembro di Dialooggroep

 

  • Chon ta un hende ku no por para ketu i ta gusta kore baiskel, kana, landa pero su pashon ta den músika, kultura i historia. Den Antriol pariba el a restourá kas di su mayornan kaminda el a nase konvirtiendo esaki den un museo chikí ku yama, “Mi Kuna”.

Tokante su embolbimentu ku polítika e ta komentá: ‘Nunka mi a pensa di drenta polítika, sino te ora ku mi a yega Boneiru i mira kon e pueblo tabata anhelá pa un kambio den e sistema antikuá di hiba polítika. Mi a tuma mi desishon liber pa drenta Movementu di Pueblo Boneriano – MPB na 2019, pasobra pa mi esaki ta e úniko organisashon polítiko ku ta tin e kapasidat pa por kontribuí positivamente ku desaroyo di Boneiru.

Para na banda reklamá sin bini ku alternativa konkreto, no ta mi estilo. P’esei mi ke kontribuí pa yega na un pueblo bon formá i eduká, kaminda ta lanta lidernan nobo bon prepará pa tuma rienda di nos dushi Boneiru.

Solamente un pueblo bon formá por opiná i tuma desishon di un manera sano pa adelanto di su isla stimá.

MPB ta e úniko partido polítiko ku no solamente ta pèrkurá pa lidernan ta kapasitá pa por sirbi komo gobernante, pero tambe pa hiba un polítika sivilisá.

Mi ta sigur ku mi tambe por yuda karga e vishon di MPB, pa yega na un Boneiru ku por ofresé kada siudadano oportunidat hustu pa sigui progresá den bida. Boneiru mester di nos, ban yuda ku su desaroyo.

 Chon su mensahe ta: Ban pa un Boneiru ku lidernan nobo, konfiabel i ku kapasidat pa goberná!

Related posts

Atvertensia: Riesgo pa kuminda di bòter dañá di e marka Similac

EA News Author

Training militar na diferente area na Boneiru

EA News Author

DISKURSO NA TELEVISHON

EA News Author

Leave a Comment

Whatsapp Message