FeaturedLocal

Colegio San Antonio ta stimula alumnonan riba e area di naik

Mp Colegio San Antonio Naik 5

Diamars mainta dia 18 di juni, studiantenan di Colegio San Antonio a
presenta nan proyectonan di NAIK (Natuurkunde-Informatiekunde) na Prome Minister
Evelyn Wever-Croes.
Despues di un caluroso bonbini di parti di cabesante di Colegio San Antonio y docentenan,
Prome Minister hunto cu Minister di Enseñansa y Deporte Endy Croes a wordo dirigi na un
lokaal special unda e alumnonan a prepara nan proyectonan. Akinan studiantenan di Mavo 1
te cu examenklas, cu hopi orguyo, a presenta nan proyectonan di Natuurkunde y
Informatiekunde, NAIK, na e mandatarionan. Cada alumno a duna su propio presentacion
mustrando su habilidad, creatividad y inteligencia y por a mira cuanto talento tin entre e
hobennan aki.
Durante e mainta aki por a mira con alumnonan mes ta traha nan weganan y haci e coding.
Tawata interesante pa wak con ta combina e Informatiekunde y e Natuurkunde a traves di un
robot cu ta haci e testnan di Natuurkunde, asina e alumnonan ta compronde miho e materia.
Por ehempel por a observa kico ta determina e velocidad di un auto y con e peso di esaki ta
influencia e velocidad.
Pa Prome Minister di Aruba tawata un placer di por a presencia e demostracionnan aki riba e
tereno importante di tecnologia. “Mi ta contento di wak con Colegio San Antonio ta stimula e
hobenannan riba e area importante aki ya cu esaki ta e trabounan di futuro. Mi ta felicita y
alabes gradici e docentenan y principalmente e alumnonan pa a comparti e mainta aki cu nos y
pa transmiti nan talento y conocemento. Proyectonan asina no solamente ta fortalece e
conocimento di e alumnonan, pero tambe ta aporta na futuro profesionalnan riba e tereno aki
cu ta uno di gran importancia pa e añanan cu ta bin”, Prome Minister a remarca.

Mp Colegio San Antonio Naik 17Mp Colegio San Antonio Naik 16Mp Colegio San Antonio Naik 15Mp Colegio San Antonio Naik 13Mp Colegio San Antonio Naik 14Mp Colegio San Antonio Naik 12Mp Colegio San Antonio Naik 11Mp Colegio San Antonio Naik 8Mp Colegio San Antonio Naik 9Mp Colegio San Antonio Naik 7Mp Colegio San Antonio Naik 6Mp Colegio San Antonio Naik 4Mp Colegio San Antonio Naik 3Mp Colegio San Antonio Naik 2

Related posts

Gobernador Boekhoudt ta apunta un Adjudant nobo

EA News Author

Prome minister a goza di marcha cultural den cayanan di San Nicolas

EA News Author

Un momento historico pa e initiativa di Rotary International na unda “World Health Organization” a declara continente di Africa “Polio Free”

EA News Author

Leave a Comment

Whatsapp Message