Studiantenan, mayornan y miembro di comunidad a reuni recientemente na Centro di Bario Brazil pa participa den e anochi cultural organisa pa Colegio San Augustin. E evento tabata enfoca riba promocion di cultura, talento y participacion di e muchanan di scol.
Segun Jeffrey Kelly, director di Colegio San Augustin, e anochi cultural ta un tradicion cu scol ta mantene desde aña escolar 2008–2009. Durante e anochi, publico a por disfruta di diferente actividad cultural incluyendo bendemento di cuminda, presentacion di musica, declamacion di poesia y piezas di teatro prepara pa e estudiantenan.
Kelly a indica cu e evento tin como meta principal pa stimula creatividad entre muchanan y alabes crea un espacio unda comunidad por reuni pa celebra cultura y talento local.
“E anochi cultural ta un oportunidad pa nos muchanan mustra nan talento y pa comunidad por forma parti di e experiencia educativo di scol,” e director a comenta.
Evento ta Creciendo Cada Aña,Director Kelly a splica cu e anochi cultural a cuminsa den un escala mas chikito na aña 2008, pero cu durante e añanan e evento a sigui crece. Interes di comunidad y participacion di studiantenan a yuda pa amplia e actividad te na e punto cu awe por wordo celebra na un locacion mas grandi manera Centro di Bario Brazil.
E crecemento di e evento ta mustra e compromiso di Colegio San Augustin pa sigui fomentando cultura, expresion artistico y union dentro di comunidad scolair,Asina Director di Colegio San Augustin. Jeffrey Kelly a duna di conoce
