Como donacion Marinier Kazerne ta cushina tur dia pa esnan cu mas tin mester den nos comunidad

ORANJESTAD,Aruba

Awe mainta den racho por a tuma nota diferente mariniernan, sinembargo nan presencia ta pa un bunita gesto cu nan ta haci pa aporta na nos comunidad.Hopi trabao ta wordo haci dor di departamento di Asuntonan Social. Den e situacion di Crisis actualmente cu Aruba ta den dje e ayudonan ta extra. Esnan cu ta vunerabel den nos comunidad y cu mester di ayudo , departamento di Asuntonan Social ta atende cu nan y si berdaderamente nan tin mester di e ayudo, nan ta bay riba lista pa por haya cuminda tur dia na fundacion pa nos comunidad cu ta wordo haci dor di marinier Kazerne. Esaki ta un donacion unda cu nan ta prepara e cuminda y asina tinele cla pa esnan cu mas nesesidad den nos comunidad , porehempel esnan cu a perde nan trabao debi di e crisis cu tin actualmente na Aruba. Fundacion pa nos comunidad ta suministra y haci entrega di e cumindanan. Sinembargo loke ta un proseso normal na fundacion pa nos comunidad tur dialuna,diarason y diabierna ya caba ta duna pan normalmente, esaki ta donacion di superfood. Tambe un bes pa luna e ciudadanonan cu ta riba e lista di departamento di Asuntonan Social lo haya un bes pa luna un caha di cuminda tambe. Esaki ta e forma cu Departamento di Asuntonan Social ta atende cu e situacion di nos ciudadanonan cu tin mester di ayudo. Awor cu Aruba ta den crisis nos tur tin cu uni y duna un man.