Durante di e ultimo simannan ministerio di Finanzas a organisa un concurso di diseño pa eligi cua lo ta e obra di arte cu lo keda uza pa e plachi number di auto di Sint Maarten. Tabatin tres persona cu a solicita y nan a entrega nan obra pero uno so por gana.
E tres plachinan a keda presenta na gobierno di Sint Maarten y e ciudadanonan di Sint Maarten por a vota pa e plachi number cu nan ta desea pa bira esun oficial pa number di auto. Cada un di e plachi number nan a keda post riba facebook di gobierno di Sint Maarten cu nan descripcion unda cu ta duna un splicacion di e pensamento e idea di e design durante di e facebook poll.
Tabatin un cantidad di 2000 voto y e diseño ganado tabata bisto mirando cu e tabatin mas di 1000 voto. E artista ganado a keda notifica y a presenta unda cu e a gana 1000 florin pa e bunita arte cu e la haci. Minister di finanzas tabatin e honor di a anuncia e ganado cu a keda den persona di Shadani Fleming cu ta un grafic designer local cu a ilustra e curason y sabor di e pueblo cu a vota pa su arte.
E diseño aki lo keda uza como e plachí di number di auto oficial di Sint Maarten, asina e Minister di finanzas Ardwell Irion a duna di conoce. Tambe e mandatario a gradici e otro dos designer cu ta Quinell Ming y Magueda Jackson cu tambe a presenta un bunita obra , pero nan no a logra bay cu e prijs ganado. Sinembargo e nivel di trabao tambe ta hopi halto. Sra Fleming a gana cu su artwork cu un desiño clean cu colornan cora, blanco y blauw, esaki tambe lo bay bira e simbolo local cu lo mira tur caminda na Sint Maarten , principalmente na aeropuerto
