E situacion di Venezuela ta hopi tenso, pero nos no mester lubida cu e ta un problema y situacion interno di e Pais cu e propio Pais mester resolve. Sinembargo mirando e situacion mester ta solidario cu e humano. Den e ultimo noticianan tin diferente speculacionnan cu ta tumando luga, pero loke cu ta un realidad ta cu Venezuela no a saca Consul nan di Hulanda for di Venezuela. Loke cu a sosode ta cu Venezuela a duna “opdracht” na embahada Hulandes cu nan tin cu reduci nan staf, esta e Hulandesnan cu ta na Venezuela na mita.
Actualmente tin e consul Hulandes na Venezuela ta 6 den 6 persona na e oficina di Consul cu mester baha na tres. Segun informacion e embahador a keda cu dos Hulandes mas. Tambe tur e staf local na e consul Venezolano cu ta Venezolano mes nan ta activo na Caracas y nan ta sigui duna servicio consulario pa asuntonan di Visa normal.
E tres personanan Hulandes cu mester a sali un di nan a sali di Venezuela caba ayera y e otro dosnan ta Sali awe. Na mes momento cu esaki ta pasa Hulanda a tuma contacto cu e embahador di Venezuela na Hulanda y notifica nan cu nan mester manda dos Venezuela. Actualmente e embahador di Venezuela na Hulanda ta 4 persona y nan tambe mester baha nan cantidad y manda dos di nan bek pa Venezuela.
Pa loke ta trata e Consulnan na Aruba y Corsou te na e momentonan aki no tin ningun “opdracht pa nan” y nan lo keda haci nan trabou , mes un cos cu e embahada tanto na Hulanda y Venezuela lo keda haci nan trabao , pero solamente cu menos hende.
E berdad ta cu tin hopi tension, tin atake y represalia, pero te ainda cosnan por sigui normal y no ta asina cu e Consul nan a wordo saca, pero pidi cu nan mester ta menos.