CuracaoFeaturedInternacional

David Seferina (MFK )Kòrsou ta wòrdu rekonosé internashonal komo un di e mihó islanan tropikal

Curacao

Parlamentario Seferina a tuma nota ku e “website” internashonal Bloomberg a publiká un artíkulo kaminda ta rekonosé Kòrsou komo un di e mihó islanan tropikal pa laborá i dibertí. Tambee “website” a duna un bista positivo di e gastu di estadia, e sistema di wifi i tambe konfásil ta biaha pa Kòrosu.

E echo ku a rekonosé Kòrsou komo un di e miho islanan tropikal pa laborá ta debí na Zenefits un kompania di software di rekursonan humano. E kompania aki a klasifiká 50 isla tropikal basá riba shete faktor; poblashon, promedio di temperatura, velosidat di “wifi”, kosto di alohamentu, presupuesto diario, fasilidat pa biaha pa e isla (biahando for di Estádos Unídos), aktividatnan pa hasi i por último e eksperensia. Durante di e klasifikashon aki Kòrsou a okupá e puesto di promé lugá kual ta algu grandi pa un isla ku ta konsistí di mas o menos 150.000 habitante. Mas aleu Xiao-Zibang outor di e artíkulo ta promové diferente área ku ta hasi Kòrsouun isla popular.

Komo miembro di partido MFK mi ta felisitá pueblo di Kòrsou ku e notisia positivo aki i tambe mi kier enkurashá Minister di Desaroyo Ekonómiko pa sigui promové nos dushi isla ku e meta pa atraé mas turista for di diferente parti di mundu na nos dushi isla.

Parlamentario Seferina losigui vigilá i tambe kontrolá e trabou di e Minister di Salubridat públiko, Medio ambiente i Naturalesa rondó di e aña di limpiesa ku a keda dekretá na komienso di e aña aki di manera ku nos por mantené e área turístiko bibu, limpi i bunita.

I pa finalisá Parlamentario Seferina ta pidi pueblo di Kòrsou pa ban yuda tene nos isla limpi, paso un isla limpi ta yuda mantené nos estadistika haltu.

Related posts

Minister Ursell Arends satisfecho cu reunion cu piscadornan

EA News Author

Na Boneiru a interseptá boto ku droga

EA News Author

Minister Glenbert Croes: Cu CCEC 2023 Aruba ta demostra di ta pone accion tras di su palabranan

EA News Author

Leave a Comment

Whatsapp Message