Ta haya hopi importante na momento cu ta papia y duna informacion di lenganan nativo. Na Aruba nos lenga nativo ta keda papiamento. No ta importa for di cua parti bo ta bin pero cu bo ta biba na Aruba e idioma di e isla cu bo a scoge pa bin biba na dje y bo ta reconoce bo mes den dje pa identifica Aruba ta papiamento. Nos mester duna e pais cu ken cu ta bin biba na dje mester respeta su lenga nativo.
Segun Jose miguel Donata e ta gusta e materia aki y e la yega investiga, su persona ta investiga independiente na e momentonan aki. Lamentablemente e tema di lenga nativo ta keda un tema cu ta hopi poco studia esaki ta bin debi cu instancianan no ta financia pa haci investigacionnan, hopi biaha Jose miguel Donata ta indica cu su mes ta financia e investigacionnan y den pasado ya caba a yega di skirbi cuater buki na papiamento riba historia, folklore y socio historico di Aruba, tambe recientemente a caba di skirbi un buki na Hulandes tambe.
Algun siman atras Jose miguel Donata tabata na Surnam pa haci entrega di bukinan na instancianan educativo cu ta trata di muchanan sordo di Aruba y Corsou cu antes mester a bay Surnam pa haya enseñansa paso Aruba no por a yuda e muchanan aki.
Sinembargo importante riba lenganan nativo pa un idea haya bida y keda na bida ta e pueblo tin cu bibe, reconoce, acepte pa por desaroye. No por dies warda riba departamentonan di gobierno of instancianan. Sinembargo departamento di enseñansa por haci hopi pero na final e decision ta keda na e minister di enseñansa si e ta di acuerdo cu e iniciativa y ta financia esaki y si e no ta di acuerdo aki ta caminda cu loke ta Sali afo di e investigacionnan ta bay perdi.
Tambe e comprension di e publico di e importancia cu nan a wak pa uni. Na Aruba hopi biaha tin hende interesa pa traha y yuda pero e ta bay “ten koste “ di bida personal y di bo mes un trabou. Sinembargo na departamento nan di gobierno bisa cu ta duna espacio na trabou cu bo ta dedica na dje , e ora e investigado no mester kibra cabes den su oranan liber y kibra cabes pa haya fondonan pa por haci e investigacion necesario pa Pais Aruba. Si mester keda haci investigacion riba e nivelnan di no s antepasadonan mester keda haci inversion.
Pa loke ta trata papiamento e tempo cu a tuma e decision pa Aruba riba e direccion di papiamento cu Aruba a tuma e parti etimologico y fonologico cu ta di Boneiro y Corsou cu ta segun ta pronuncia y segun e origen di e palabra. E tempo aya na momento cu a tuma e decision pa Aruba riba papiamento e tabata un decision sin pensa y papia su bon y papia su malo Arubiano a bira orguyoso di su ortografia danki na Jossy Mansur.
Segun Jose miguel Donata lamentablemente e tres islanan no por uni realmente cu un ortografia entre e islanan ABC. E tempo aya cu Aruba tabatin e oportunidad pa hacie bon pa unifica papiamentu manera e ta origen di e islanan den Caribe no a haci esaki, a dicidi bay rumbo mas Spaño etimologico unda cu awe nos tin e consecuencia. Esaki ta e influencia di decisionnan mal tuma loke ta origen di e papiamentu real di Aruba y e otro islanan cu ta papia papiamentu. Te na e momentonan aki dificilmente ta kere cu por mira un cambio.
Banda di esaki no mester perde speransa, paso si mester mira e historia di e idioma Portugues cu ta di Brazil y Portugal nan a tarda 60 aña pa a cambia algun palabra den nan mes un idioma pa unifica, nan ta papia mes un idioma practicamente, pero semper nan mester a produci dos documento oficial pa Nacionnan UNI, un portuges di Brazil y un Portuges di portugal siendo cu e ta e mes un idioma. Den e aparecer Aruba tin e mes un situacion tin un Papiamento / Spaño etimologico cu a keda influencia y introduci y nos tin e origen di papiamenu/ cu palabranan original di e islanan cu a keda solamente den e islanan Boneiro y Corsou paso Aruba a dicidi di scoge otro aunke nos ta e unico islanan den Caribe cu ta papia papiamentu. Aruba a laga su idioma bay perdi y keda manipula y influencia door di adopta Spaño den papiamentu? Aruba realmente a proteha su papiamentu original manera e otro islanan si a haci?
Tambe loke cu ta di lamenta cu na momento cu ta trata di nos identidad , historia y idioma lamentablemente no ta mira e generacion nobo su interes den e parti aki. Te ainda e personanan di edad mas avansa ta esunnan mas interesa y cu ta sostene loke realmente ta di Aruba. Ta haya falta hopi di e generacion nobo cu mas interes di loke ta Aruba.
