Durante di bishita di trabao na Boneiro y Curaçao miembronan di conseho di Saba Carl Buncamper y Vito Charles a haci bishita na Mariadal na Boneiro. Pero tambe nan a haci bishita ta na Hospital y centro medico na Curaçao (CMC).
Hunto cu nan tabata presente tambe miembro di conseho insular Akilah Levenstone,Buncamper y Charles a biaha hunto pa Boneiro despues di a asisti na e festival di dia di Statia unda cu nan a participa na un cantidad di reunion na Sint Eustatius.
E delegacion a haya un dia di informacion y bista di fundacion Mariadal na Boneiro y tambe na CMC Curaçao. A papia riba e desaroyonan general cu tin na e hospital nan y tambe e Adelanto cu tin durante di tur e añanan di trabao nan duro cu a keda haci, pero tambe a papia riba e retonan cu e hospitalnan a pasa aden .
E hospital di Mariadal na Boneiro a expande masha hopi mes den e ultimo añanan no solamente como edificio pero tambe cu mas trahado enfermera nan y specialistanan cu ta duna servicio. Porehempel algun aña atras tur persona cu ta haci dialyse na Boneiro mester a bay Curaçao pa por a haya e tratamento aki, pero awo no mester mas na Boneiro mes nan por duna e servicio aki. Tambe por haci otro tipo di operacion y tambe e tin un centro di ophthalmology. E relacion di trabao cu hospital UMC di Amsterdam y e dunadonan di cuido medico tin hopi beneficio pa e pashentnan.