CuracaoInternacional

Di 18 Muhé Ekselente: Rev. Alma Louise de Bode-Olton

Rev. Alma Louise De Bode Olton

Rev. Alma Louise de Bode-Olton a keda rekonosé durante di e di 20 Konferensia di Liderasgo Femenino na Kòrsouo, djabièrnè último komo e di 18 Muhé Ekselente.

E evento anual aki, ku ta pone énfasis riba hende muhé ku ta hasi karera, ta pone bista riba hende muhénan ehemplar pa asina ei tin mas ehèmpel pa hende muhénan mas hóben.

E muhé ehemplar ku ta keda skohe tur aña mester ta riba 60 aña di bida, e ta di Karibe i e trabou ku el a hasi durante su bida profeshonal mester ta benefisiá otro hende muhé.

E Muhé Ekselente di e biaha aki literalmente ta un muhé grandi.

El a nase na Kòrsou na 1949 i a hasi un karera impreshonante, kuminsando komo spesialista kímiko trahando den Laboratorio Nashonal.

Despues el a bai studia lei i a haña su titulo den esaki. El a kontinuá su karera komo hurista enkargá ku tratado na ofisina di Asuntunan Eksterior na Willemstad.

El a kontinuá su ekselente karera den servisio eksterior i tabata posishoná na Havana, Cuba, i na Port of Spain, Trinidad W.I..

El a regresá Kòrsou kaminda el a funshoná komo Direktor Interino na Direktorado pa Asuntunan Eksterior/Direktor di Kambio kaminda ku el a finalisá su karera profeshonal i a bai ku penshun.

Anto e no a bai kas bai sinta bou di su palu di mango pero a kontinuá sirbi komo pastor di Iglesia Episkopal Anglikano di Resurekshon na Kòrsou i e ta promé pastor femenino ordená na Kòrsou.

Su lema pa bida ta pa sirbi i tei pa sirbi tur ku tin mester.

Ketu bai tambe e ta konsehá profeshonalnan ku tin mester di su eksperensia pasobra kompartiendo su konosementu i sabidoria ta un prioridat p’e.

‘Nos ta biba pa sirbi i pa komparti’, asina nos Muhé Ekselente 2023 Rev. Alma Louise de Bode-Olton ta bisa.

Grandi tabata e sorpresa ora ku diripiente a menshoná un di 19 Muhé Ekselente ku tabata e inisadó i organisadó di e Konferensia Anual di Liderasgo Femenino na Kòrsou Reyna Joe kende a keda e momentu ei sin palabra.

E rekonosmentu ta pa su kreashon di e evento i mihó ainda lag’é kontinuá i asina benefisiá hopi muhé ambisioso.
Reyna Joe a akseptá e rekonosementu sperando di por sigui sirbi su komunidat.

E organisashon di e Konferensia Anual di Liderasgo Femenino na Kòrsou ta felisitá Rev. Alma Louise de Bode-Olton i Reyna Joe pa ta ehèmpel pa muhénan ambisioso.

Related posts

Barco crucero di luho ta bolbe Saba

EA News Author

St. Maarten ta conmemora e aniversario di horcan Irma

EA News Author

Rònt Boneiru por ripará ku hopi supermerkado aktualmente no tin sierto produkto na stòk

EA News Author

1 comment

Di 18 Muhé Ekselente: Rev. Alma Louise de Bode-Olton - Notisia 365 June 1, 2023 at 12:44 pm

[…] Source link […]

Reply

Leave a Comment

Whatsapp Message