BonaireFeatured

Dia 24 di novèmber tin un seshon pa skucha opinion relashoná ku e di 12 revishon di e plan di desaroyo espasial Boneiru

Dia 24 Di November Tin Un Seshon Pa Skucha Opinion Relashona Ku E Di 12 Revishon Di E Plan Di Desaroyo Espasial Boneiru

Kolegio Ehekutivo a aprobá un pre-diseño di e di 12 revishon di e Plan di Desaroyo Espasial Boneiru (Ruimtelijk Ontwikkelingsplan Bonaire – ROB). Dia 24 di novèmber interesadonan por asistí na un seshon pa skucha opinion pa haña informashon tokante e kambionan den e Plan di Desaroyo Espasial Boneiru ku nan ta bai entregá na Konseho Insular pa stipulashon.

No ta trata di un revishon integral di e Plan di Desaroyo Espasial Boneiru, pero un revishon riba sierto puntonan. Ta trata di ubikashonnan i tópikonan di kua por haña e bista general riba https://www.bonaire-ro.nl/

Durante e seshon di duna opinion e presentenan ta haña oportunidat pa hasi pregunta i duna nan opinion. E seshon di skucha opinion ta tuma lugá riba djaweps 24 di novèmber di 17:00 or pa 18:30 or den sala di reunion di Direktorado di Planifikashon i Desaroyo na Kaya Amsterdam 23.

For di djabièrnè 25 di novèmber e diseño di e di 12 revishon di e Plan di Desaroyo Espasial Boneiru ta disponibel durante 30 dia pa tur hende mira. Durante e término akí tur hende por entregá opheshon kontra e diseño di revishon. Por entregá opheshon na Konseho Insular. Mester manda opheshon por eskrito, ku motivashon i ku nòmber i adrès ariba pa Konseho Insular di Entidat Públiko Boneiru, pa medio di intervenshon di direktor di Direktorado di Planifikashon i Desaroyo (R&O), Kaya Amsterdam 23.   

Related posts

Polis: Sacando un man pa un adicto ambulante

EA News Author

Edificio di pasangran no ta adecuado mas

EA News Author

Prome Minister Rumbo pa St Maarten

EA News Author

Leave a Comment

Whatsapp Message