FeaturedLocal

Dia di Alimentacion; Awa ta Bida Awa ta Cuminda; No laga ningun hende atras

Dia Di Alimentacion Awa Ta Bida Awa Ta Cuminda No Laga Ningun Hende Atras.4

Awa ta esencial pa bida. Eta constitui mas di 50% di nos curpa y eta cubri mas di aproximadamente 71% di superficie di tera. Solamente 2,5% di e awa ta dushi, apto pa bebe, pa Agricultura y pa mayoria uzo industrial. Awa ta un forsa inevitabel pa e ser humano, economia, naturalesa y e base pa nos alimento. Asina Agricultura ta representa 72% di extraccion mundial di awa dushi, pero tur recurso natural, awa dushi no ta caba nunca. E crecemento rapido, e desaroyo economico y e cambio climatico ta pone cada bes un presion grandi riba recursonan huridico di e planeta. Na mesun momento e recursonan di awa dushi pa persona ta disminuiendo na 20%  den e ultimo decadanan y e disponiblidad y calidad di awa ta deteriorando hopi liher debi  na dedacanan di uzo y cuestionan deficiente, extrahe awa excesivo for di suelo, contaminacion y e cambio climatico. Esaki ta pone cu nos ta core riesgo di hiba e recurso valioso aki na un caminda sin regreso. Awendia 2.400 miyon di persona ta biba den paisnan cu escaces di awa. Hopi ta e Agricultornan chikito cu ta lucha pa satisface nan nesecidadnan diario, particularmante e ser femenino, e pueblo indigena, imigrante y esnan refugiado. E recurso balorable aki ta aumentando di tal manera cu e escaces di awa ta convertiendo den un conflicto mayor. Un cantidad di 600 miyon hende cu ta depende sea parcial di sistemannan di alimento cu ta rekeri awa pa por tin prosperidad, ta sufriendo di e efectoanan di contaminacion, e degeneracion di ecosistema, practicanan insostenibel y e cambio climatico.   

Ta ora pa cuminsa uza awa mas sabi

Nos mester cuminsa produci mas alimento y otro productonan agricola mas esencial cu menos awa. Garantisando na mesun momento cu e awa ta wordo distribui igualmente y preserva nos sistema di alimento cu ta rekeri awa y ningun hende ta keda atras. Gobiernonan mester diseña politica basa den ciencia y evidencia cu ta probecha di datos, innovacion y coordinacion intersectorial pa planifica y uza e awa mas mihor posibel. Mester apoya e politica aki cu mayor legislacion, technologia y desaroya capacidadnan, na mes momento incentiva agricultornan y sector priva pa participa den solucionan integra pa uzo mas eficiente di awa y su conservacion 

Kico bo por hasi

Nos tur mester stop di tuma e awa cu nos ta uza tur dia manera algo sin balor, no balot’e y cuminsa mehora e forma cu nos ta uza e awa den nos bida diario. Loke nos ta come y con e alimento ta wordo produci ta afecta e awa. Nos por marca e diferencia eligiendo alimentonan local di temporada y fresco y desperdiciando menos y incluso reduci desperdicio di alimento y haya maneranan mas sigur di reuza y na mes momento preveni contaminacion di awa. Hunto nos por tuma medidanan relaciona cu awa pa nos futuro alimentonan, pa e hende y e planeta.

Awa como medio di bida

Awa ta cubri e 71% di superficie di nos planeta. For di lamanan grandi te cu lagoen, riu y saliña e masa di awa ta crea ecosistemanan floreciente, habitadnan importante y un rekesa soprendente di biodiversidad. Mas di 600 miyon di persona ta depende di sistemanan di alimento cu ta uza awa pa biba, incluyendo Piscadonan den escala chikito, Fish Farm y Companianan di Pesca y esnan cu ta depende di esaki. Nan ta e wes’i lomba di comunidad costera y interno cu ta influencia cultura di henter mundo.

Actualmente ta explota casi 3000 especie den pesca captura y ta wordo cultiva mas di 650 di e especie aki. E diversidad di e sistema di alimento di awa ta wordo converti den un fuente unico y esencial di nutricion y seguridad di cuminda. E alimentonan di awa ta cada bes pa combati desnutricion debi na su rikesa di nutrientenan esecial manera omega3, vitamina y mineral cu ta vital pa salud di ser humano. Preserva y salvaguardia e escosistemanan aguatico aki y e especienan cu ta sostene, no ta solamente un resposabilidad, sino tambe un necesidad y bienestar di nos planeta y su habitantenan. 

“Awa ta Bida, Awa ta Cuminda. Awa ta Conecta nos; Eta nos historia comparti, Presente y Futuro”.

Dia Di Alimentacion Awa Ta Bida Awa Ta Cuminda No Laga Ningun Hende Atras.5Dia Di Alimentacion Awa Ta Bida Awa Ta Cuminda No Laga Ningun Hende Atras.3Dia Di Alimentacion Awa Ta Bida Awa Ta Cuminda No Laga Ningun Hende Atras.3 1Dia Di Alimentacion Awa Ta Bida Awa Ta Cuminda No Laga Ningun Hende AtrasDia Di Alimentacion Awa Ta Bida Awa Ta Cuminda No Laga Ningun Hende Atras 1

Related posts

Varios keho di problema cu Slak

EA News Author

Tin un dolor den departamento di infrastructura

EA News Author

Pronostico di tempo diadomingo 30 di oktober 2022

EA News Author

Leave a Comment

Whatsapp Message