Un hurado independiente a selecciona, na nomber di municipio di Amsterdam, dies tim di diseñado pa e siguiente fase di e premio internacional di arkitectura pa e Museo Nacional di Sclavitud. A scohe e timnan aki for di un gran cantidad di contribucion nacional y internacional. Cu esaki, e prome fase di e competencia a termina.
Concehal Touria Meliani (Arte y Cultura): “Cu e seleccion di dies tim di diseño, e Museo Nacional di Sclavitud ta yega un paso mas serca. E museo lo bira un luga caminda storianan cu a keda sub-exponi pa mucho tempo ta bira visibel, caminda tin luga pa reconocemento, encuentro y combersacion, y caminda hende por refleha hunto riba un pasado comparti cu ainda ta influencia e presente. Mi ta satisfecho cu e seleccion cuidadoso di e hurado y mi ta gradici nan pa nan esfuerso. Debi na e combinacion rico di disciplina y perspectiva den e timnan, mi tin confiansa cu nos por sigui cu e proceso pa haci e museo aki un luga cu ta haci husto na e pasado y cu ta significante pa tur hende.”
Seleccion di hurado
E hurado, presidi pa arkitecto di Estado Francesco Veenstra, a evalua e contribucionnan a base di, entre otro: calidad di diseño (proyectonan di referencia), motivacion, cooperacion, relevancia social y e manera cu e timnan di diseño ta trata e nificacion di e pasado di sclavitud y su impacto riba e presente. Ademas, a analisa explicitamente e diversidad den composicion di e timnan, incluyendo e perspectivanan saliendo for di Surnam y Caribe. E hurado a yega unanimamente na e seleccion di e dies timnan cu lo participa.
Den e siguiente fase di e concurso
E dies timnan selecciona lo traha riba nan vision pa e edificio di e museo y e parke na Kop van Java-eiland na Amsterdam. E enfoke no ta solamente riba e calidad arkitectonico y e coherencia espacial, sino tambe riba e importancia social di e museo y e forma cu ta duna luga na diferente awental (polifonia), encuentro y reflexion.
E mesun hurado independiente lo evalua e contribucionnan aki. Na final, lo selecciona te cu cinco tim pa e fase di diseño. E cinco diseñonan aki lo wordo presenta tambe na publico den un exposicion, pa asina e habitantenan, personanan concerni y interesadonan por tuma nota di e proposicionnan, discuti nan cu otro y duna nan punto di bista.
E timnan di diseño selecciona (orden alfabetico):
Tim Blues Before Sunrise: Andrew Groarke, Fiona Kydd, Steve Rodney McQueen, Guillaume Schmidt, Karin Amatmoekrim, Barend Koolhaas
Tim BMGHK: David Kohn, Johanna Gibbons, Germane Barnes, Rosemarijn Hoefte, Ibrahim Mahama
Tim Collective Refraction: Inez Tan, Aura Luz Melis, Afaina de Jong, Stephanie Archangel, Mae-ling Lokko
Tim Home: Kunlé Adeyemi, Walter Hood, Stephen Small, Janice Deul, Julie Cook
Tim Inheritance/Erfenis: Mariam Issoufou, Justine Miething, Tigran Kostyantyn, Zahra’a Nasralla, Fatima Adam, Neo Maditla
Tim JA Projects: Jayden Ali, Bas Smets, Timoteus Anggawan Kusno, Mpho Matsipa-Okoye, Yanique Hurrie
Tim Loango Voices: Tania Concko, Tilman Latz, Iris Dupper, Françoise N’Thépé, Tinde van Andle, Raoul de Jong
Tim MASS SeARCH: Christian Benimana, Sierra Bainbridge, Kathrin Hanf, Arjan Braaksma, Alan Ricks
Tim NEW SOUTH: Meriem Chabani, Soline Portmann, Gloria Wekker, Yassine Ben Abdallah
Tim Our Voices: Lyongo Juliana, Adriaan Geuze, Ali Mangera, Frederik Vermeesch, Rose Mary Allen