Diputado Craane den kòmbersashon ku inisiadónan di Fast Ferry

Riba djabièrnè 7 di yüli diputado Jolinda Craane a papia ku un delegashon di e kompania Caribbean Fast Ferry Company BV (CFFC) i e organisashon Instituto pa Desaroyo Ekonómiko Boneriano – IDEP.

E kòmbersashon a tuma lugá ku bista riba e intenshon pa amplia e posibilidatnan di transporte i mobilidat entre Boneiru i Kòrsou. CFFC a duna un splikashon di e servisio di transporte pa medio di fast ferry entre Boneiru i Kòrsou. E presentashon a fiha atenshon riba e proyekto relashoná ku preparashon di maneho marítimo i tambe e solushonnan logístiko riba término korto. Esaki lo kontribuí na e posibilidatnan di mobilidat entre Boneiru i Kòrsou, loke lo aportá na kresementu di turismo na Boneiru.