Disciplina Conciente Curaçao

Ministerio di Enseñansa, Siencia, Cultura & Deporte (ESKD) den estrecho cooperacion cu Departamento di Enseñanza di Aruba a tene un siman completo di e seminario Disciplina Consiente. Durante di e siman di 18 Augustus pa 24 Augustus a tene session di profundisacion, tayer y un conferencia pa diferente stakeholder di e ministerio di ESKD. Minister di Enseñansa, Siencia, Cultura & Deporte sr. Sithree van Heydoorn a participa di forma virtual na e conferencia y tambe a conta cu presencia relampago di Minister di Finansa sr. Javier Silvania.

Directornan di scol cu a partisipa aña pasa a haya oportunidad pa profundisa den e metodologia. Un grupo nobo di personal di scol di fundeshi, scol special di fundeshi, fundacionnan di Educacion, institutonan pre-escolar, cultural y deportivo tambe a partisipa den un tayer di dos dia y alavez a tene un conferencia di Disciplina Conciente pa personal di ministerio di ESKD y directivanan di scol. E siman a keda organisa pa e equipo y grupo di trabou di Disciplina Conciente hunto cu dos trainer certifica di Disciplina Conciente di Aruba den persona di sra. Regina L.S. De Kort y sra. Vanessa R. Tromp acompaña pa co-facilitadonan Sra. Sharline L. Rodriguez y Sra. Shaska I. Kock.

Conscious Discipline na papiamento “Disciplina Conciente” ta un acercamento transformacional, cu ta cuminsa cerca e adulto prome, den cua e persona concerni ta desaroya shete (7) habilidad cu e meta pa logra regulacion propio riba tereno  social emocional. E intencion ta pa despues e adulto aki guia e hoben pa desaroya e mesun abilidadnan pa na su turno e hoben tambe siña regula su mes riba tereno social y emocional. E trayecto aki ta ensera un proyecto caminda ta bai traha den estrecho cooperacion cu tur ‘stakeholder’ concerni. Hunto ta bai traha pa yega na un structura caminda ta bai aplica e metodologia aki den henter e ministerio y specialmente pa e profesionalnan di scol pre-escolar, enseñanza di fundeshi regular y special y cuido despues di skol (naschoolse opvang) cu ta traha cu nos muchanan di 0 te cu 14 aña.

Pa haci e trayecto mas duradero y participativo, Secretario-Generaal Sra. Susan Larmonie-van Heydoorn na nomber di Minister di ESKD, a haci entrega di e material di forma simbolico na un representacion di e diferente stakeholdernan cu a partisipa na e dos dianan di e tayer. Por mira bek riba un siman exitoso y por tin sigur cu e trajekto di Disciplina Consiente Kòrsou a ranka sali di forma positivo y cu participantenan compromete pa sigui traha cu e metodologia aki.

Riba e potretnan por tuma nota di varios di e actividadnan. Pa un relato fotografico por bishita: Disiplina Konsiente Kòrsou.