Servisio pa Obra Públiko (OW) ta anunsiá ku dos kolega di e servisio a tèst positivo pa COVID-19. E dos koleganan akí ta den isolashon. Tambe tin 1 kolega ku aktualmente ta den karentena.
Segun e prosedura, Departamentu di Epidemiologia (EPI) di Ministerio di Salubridat, Medio Ambiente i Naturalesa (GMN) ta den kontakto kontinuo ku e koleganan konserní, banda di e ‘contact-tracing’ nesesario. Nan pues lo tuma kontakto ku kliente ku tambe ta kore e riesgo di a keda infektá.
Nos ta deseá e koleganan akí pronto rekuperashon i tur kos bon. OW ta hasi un apelashon na tur kliente pa nan kuida nan mes i yuda kuida nos koleganan.
Tene bo mes na e reglanan stipulá:
- Bin ku tapaboka ora bo tin un sita pa bini OW;
- Mantené bo mes na e 2 meter di distansia.
Di e forma akí nos tur ta yuda kombatí e vírùs di COVID-19.
