48 Hour Film Project Curaçao ta wordo organisa pa e di 7 biaha na Corsou. E competencia di pelicula cortico ta habri pa tur hende, sea hòbista of profesional den traha pelicula. E ganado ta haña e oportunidad pa participa na e festival internacional ku lo tuma luga na 2024 na Lissabon. E competencia emocionante lo tuma luga den weekend di 20 pa 22 di october.
Concepto di 48 Hour Film Project
E competencia a wordo organisa pa prome biaha na 2001 na Washington, Merka. E idea ta cu un tim mester wordo forma i ta inscribi nan mes pa e kompetensia. Durante di e competencia nan ta haña e tarea pa skirbi, graba, i monta un pelicula cortico durante 48 ora. E pelicula produci no por ta mas cortico cu 5 minüt i no por ta mas largo cu 7 minüt. Na comienso di e competencia, cada tim ta ricibi un par di tarea, manera un rekisito, un personahe i un frase ku mester wordo uza den e pelicula. Ademas di esaki, cada tim ta ricibi un “genre” specifico ku nan mester tene cuenta kune. Despues cu tur tim simultaneamente a ricibi nan tarea riba diabierna dia 20 di october, 7’or di anochi, tur tim ta cuminsa e reto pa entrega un produccion den menos cu 48 ora.
Premio
Diahuebs, dia 26 di october, tur e peliculanan codigonan cu a wordo filma durante dje 48 Hour Film Project Curaçao, lo wordo estrena na The Movies Otrobanda. Despues di e estreno, lo tin un “Award Show” caminda lo premia e peliculanan den varios categoria, manera “Best Film” i Publico su Faborito. Lo sigui mustra e peliculanan di 48 Hour Film Project Curaçao un siman largo na The Movies Punda. Tanto e “Award Show”i otro dianan cu lo mustra e peliculanan cortico ta habri pa publico. Por cumpra carchi via e wèpsait di The Movies Curaçao.
Filmapalooza na Lisboa maart 2024
E ganado den e categoria di “Best Film” di 48 Hour Film Project Curaçao lo wordo presenta durante Film apalooza Film Festival cu ta tuma luga na maart 2024 na e capital di Portugal, Lisboa. E pelicula ganado di 48 Hour Film Project Curaçao lo enfrenta otro peliculanan ganado for di mas cu 200 Ciudad rond mundo. Durante di Film apalooza, participantenan di rond mundo ta haña un chens di conoce otro anto atende “workshop” riba diferente topiconan di film.
Danki na sponsornan local, representante di tim dje pelicula ganado di 48 Hour Film Project Curaçao lo haña e oportunidad pa bay Film apalooza Film Festival na Lisboa. Ganadonan anterior di 48 Hour Film Project Curaçao a describi nan experiencia cu Film apalooza internacional como ‘un experiencia inolvidabel’
Organisashon
E aña aki, Sra. Melissa Verboeket di Maction Caribbean i Sr. Bert Aengenendt ta responsabel p’e organisacion di 48 Hour Film Project Curaçao. Den añanan anterior,Sr. Ramses Petronia a organisa e proyecto ku hopi exito, pero e aña aki e la dicidi pa enfoca riba otro proyectonan andando. Pa Sra. Verboeket, esaki lo ta su di dos biaha den e organisacion di 48 Hour Film Project Curaçao, i e ta mira e competencia aki como‘un plataforma internacional unico caminda nos por mustra cuanto talento extraordinario tin riba nos isla’.Sr. Aengenendt, su colega organisado, ta enfatisá; ‘como un eks-partisipante mi a siña aprecia 48 Hour Film Project como un experencia unico cu lo keda cu bo pa resto di bo bida.’ Tanto Verboeket como Aengenendt ta enfatisa cu ‘no ta importa si ta cu “smartphone”of un camara bo ta traha bo pelicula cortico, tur cos ta permiti basta cu bo cumpli cu e tareanan i entrega e produccion final den 48 ora. Lo cual ta conta ta cu bo tin un pasion pa traha pelicula i e habilidad pa conta un bon cuenta.’
