E Kompania na West a kompletá ku éksito un ehersisio riba Boneiru siman pasá. E ehersisio a enfoká riba liderazgo, koperashon, i fortalesementu di resiliensia físiko i mental. Durante e ehersisio, e sòldánan a realisá vários aktividat di reto. Por ehèmpel, nan a baha for di e faro di Brandaris i a trein usando diferente senario, inkluyendo move un persona heridá riba un brancard. Landamentu i rema bèk tambe tabata riba e programa, ku koperashon i perseveransia ku tabata enfoke sentral.
Ademas di e entrenamentu militar, e sòldánan a partisipá tambe na e Washington Park Trail Run. Nan a asistí ku e preparashonnan pa e evento i a kore e kaminda nan mes. Di e manera aki, nan a kombina servisio komunitario ku un reto deportivo.
A tene e ehersisio riba Boneiru debí na e debernan konstitushonal ku forsanan armá tin tambe den Karibe. Un di e debernan aki ta e abilidat pa defendé bo mes teritorio. Ademas, e Kompania na West ta responsabel pa duna asistensia militar ora ta nesesario. Pa esaki ta esensial ku e sòldánan ta bon konosí ku tur e islanan.
