Duranti e konferensia di prensa di 8 di maart, Epidemiólogo Dr. Izzy Gerstenbluth a informa ku 75% di e 24 muestranan ku a manda RIVM na Hulanda a resulta positivo pa e variante ingles di Coronavirus.
Esakinan ta resultadonan di e di dos set di muestranan di e periodo di 16 pa 21 di februari 2021. Gerstenbluth a indiká ku esaki ta e motibu ku e kasonan di Covid 19 a subi asina rápido.
Mirando ku a detektá e variante di Covid 19 na Aruba, Boneiru I awor Korsou a manda mas muestra pa RIVM pa waak si e variante di California, Afrika I New York tambe ta den paso e variantenan aki ta mas kontagioso. Esaki ta e motibu ku gobiernu di Korsou no por a warda pa eskalá e medidanan paso e tasa di positividat a bira dobel den un siman.
Gerstenbluth a sigi bisa ku “Un aña largu nos a logra tene e situashon bou di kontrol per mester sigi kumpli ku e medidanan, inkluso duranti elekshon. No ta e intenshon pa kansela elekshon pero e no mester bira un super spread event”.
Ela hasi un apelashon na suidadanonan pa nan bakuna paso ora bakuna mas 80% di e poblashon e ora ei gobiernu por de-eskala e medidanan. Pa aworaki e lei di emergensia a wordu ekstende ku 90 dia.
1 comment