Riba djamars 25 di novèmber famia Alpert ku ta konsistí di Avi, Karen i Avita a keda honrá ku feneta di plata pa nan 15 aña di bishita na Boneiru.
“Nos ta bishitando Boneiru kasi tur aña ku eksepshon di aña 2020 debí na e pandemia di Corona. Pa nos Boneiru ta un isla enkantador ku ta ofresé asina tantu kos bunita, manera entre otro e sitionan di buseo, hendenan amabel i gastronomia di e isla. Nos ta konsiderá Boneiru komo nos di dos kas,” segun Karen Alpert.
Pa TCB tabata Helen Mercera i Thaysheron Abrahams ku a hasi entrega di sertifikado i feneta na nos embahadornan nobo.