Nos a skucha batimentu kurason di e trahado di kuido
Frakshon MAN-PIN a reuni ku sindikato CBV riba situashon den kuido i nos vishon
riba kuido i personal di kuido. Durante e reunion aki shopstewardnan representando
mas ku 10 organisashon instansian di kuido i CBV a ekspresá nan preokupashon. A
resaltá ku salario i otro kondishon laboral, nesesidatnan material pa duna kuido i un
falta króniko di personal spesialisá ta hibando salú di nos pueblo mas atras.
Pa nos frakshon e tema di salubridat i e kondishon laboral di e trahado ta
importante. Ta un trabou sigur di gran balor i mester garantisá un bon struktura
salarial i kondishon di trabou. Tambe mester sòru pa e material nesesario pa e
trahado. Esaki ta e temanan ku nos a deliberá riba dje i nos lo sigui traha pa pronto
presenta un proposishon ku ta na interes i adelanto di e sektor i trahadonan di kuido.
Nos ta kontentu ku e oportunidat pa reuní ku CBV i nan miembresia. Lo por spera
mas di e bishitanan di trabou aki. Frakshon MAN-PIN lo sigui traha for di parlamento
na bientestar di pueblo di Kòrsou.
