Den e ultimo dianan, George Vieira, propietario di George Cycle Rental, a expresa su descontento cu e manera cu gobierno a implementa e decision pa limita e ruta di ATV y UTV nan. Vieira, cu tin 49 aña di experiencia den e industria, ta enfatisa cu e companianan di tour ta esnan cu mas interes tin den cuida e naturalesa di Aruba, pa motibo cu esey ta e atractivo principal cu nan ta presenta na e turistanan.
Segun Vieira, e decision aki a wordo tuma sin consulta cu e tur e stakeholder nan envolvi. Den un reunion cu varios parlamentario, nan a mustra e eror den e decision, sinembargo, esaki a wordo ignora. Vieira a señala cu e tabata manda varios email na diferente ministernan, incluyendo e Minister encarga cu DOW, sr. Rene Herde, pero nan no a ricibi ningun contesta.
Vieira ta splica cu e ta busca un solucion, unda ta pinta mas mapa pa nan, unda lo por tin solucion pa pasa e costa norte y cu piedra nan mester ta asina den parke. E ta un voorbeeld di parke cu ta pone na costa norte y asina tin un ruta so tur vehiculo cu kier pasa y no ta bay diferente ruta nan cu un meter tranca cada rato.
Vieira ta subraya cu e ruta y e mapa ta bon, pero lamentablemente pone atencion pa busca un solucion. E ta splica cu e ruta y mapa mester ta asina cu “cera caminda, ne’t pa robez”. Vieira ta sugeri pa pone e maneranan den e mapa, y despues nan por adjuste segun e ley nan di ROP y ROPV. Esaki lo ta un “Win-Win Situation” pa Aruba, cu su naturalesa cu e ruta aki, y pa nos entrada nan cu ta envolvi den dje.