E Departamento di Prevencion di Violencia Domestico y Abuso di Mucha y e Departamento di Labor Social di e Dominio Social a bin hunto pa comparti un mensahe contra violencia domestico cu e ministerio di hende muhe di Iglesia Adventista di Sete Dia. E presentacion tabata parti di e programa “End it Now” di e ministerio di hende muhe.
E team a discuti e diferente formanan di violencia domestico, incluyendo maltrato di mucha, e señalnan y e impacto riba e victima. Nan a splica e ciclo di abuso, pakico victima tin biaha ta keda pega den un relacion abusivo, presion di adulto y con amigonan y miembronan di famia tin biaha ta anima e agresor pa maltrata nan pareha.
For di man robes: Monica Smith, consehero pedagogico; Vernon Illige, trahado social na e Unidad di Asesoramentu Social y Ereina Hunt-Gorden, coordinado di sosten familiar pa violencia domestico i maltrato di mucha a participa pa e forum aki.