PoliticaFeatured

Hendrik Tevreden (MEP): Dialuna gobierno lo atende malcontento y bruhamento riba peticionnan pa campamento

Dialuna Gobierno Lo Atende Malcontento Y Bruhamento Riba Peticionnan Pa Campamento.......

A yega na mi atencion un poco disgusto cu tin bou di algún campistanan pa motibo di cierto mal comprendemento riba cua ta e areanan unda cu nan no por campa mas. Esaki ta algo cu tin mi atencion y a hiba esaki cerca e minister y departamentonan concerni pa haya un solución rápido.

Esaki ta e temporada cu un gran parti di nos población ta cuminsa prepara pa e temporada di campamento, den e periodo di Semana Santa. Pa hopi e ta un temporada di vakantie cu famia, pasobra enbes di biaha pa exterior nan ta disfruta na Aruba mes. Ta un forma di pasatempo cu ta forma parti di e tradicion di nos país pa hopi decadanan caba.

 

Loke ta lamentabel den e caso aki ta cu a bini un bruhamento unda cu a haci yamada na tur hende pa registra na unda nan kier bay campa, pero no a specifica cua ta e áreanan destina pa uso, o unda a bini cambio. Te despues cu tur hende a registra, a yama nan bek y pone nan na altura di restriccionnan den ROPV unda no ta permiti pa campa. Pues por a evita esaki na momento cu a cuminsa registra cada peticion. Lo tawata eficiente cu si a informa e ciudadanonan di biaha si e ta un área protegi of no. E ora lo a evita e intrankilidad y cu e sitio scogi no por wordo usa.  

E parti positivo den tur esaki ta cu gran mayoria di nos cuidadanonan no ta campa riba areanan protehi y nan ta cuida y mantene unda nan ta campa hopi limpi. Asina nan ta demostra nan amor patrio y ehempel pa e generacion cu ta siginan con pa cuida nos Aruba. 

 

Mi ta kere cu si mi analisa tur e kehonan cu a yega na mi conocemento, lo mester ta tin un mal interpretación di e ley nobo di ROPV. No ta henter Eagle Beach ta un área protegi. E parti protegi ta unda tin e santo blanco. Unda e tortuganan ta pone webo entre otro.

 

Tin un grupo grandi di persona cu a keda malcontento, ora cu a haya informacion cu a rechasa nan peticion di permiso. Na nan tur mi kier bisa ban duna espacio pa e reunion entre e departamentonan tuma lugar dialuna y despues nan lo informa na comunidad atrobe. Mi a hasi un peticion pa clarifica e asunto aki mas lihe posibel pa asina famianan cu a planea nan campamento pa hopi tempo caba por sa bon kiko tin di tene cuenta cu ne e aña aki. Mirando cu ta dos aña, debi na e pandemia, no por a campa manera custumber. 

Mi ta optimista cu e departamentonan concerni lo sali afo y cu e reglanan di e ley di ROPV lo wordo ehecuta. Unda cu nos ta sigi proteha nos fauna pero alabez disfruta di nos Aruba. 

For di awo mi kier desea tur esnan cu haya un permiso pa por campa, un dushi temporada. Pero corda cuida y protege nos medio ambiente, y sigui tur e reglanan stipula den e permiso.

Related posts

Minister Maduro: urk1 2023 ta disponibel cu tur informacion di finansa publico di e prome kwartaal

EA News Author

Parlamentario Mervin Wyatt-Ras: Minister Oduber mester ta respetuoso cu sr. Jacco Vroegop

EA News Author

Bunita recepcion na ocacion Dia Nacional di Aruba na Hulanda

EA News Author

Leave a Comment

Whatsapp Message