ORANJESTAD, Aruba
No por sigui para un banda y critica, ta tempo pa actua y actua prome cu ta demasiado laat. Ya nos tin un pais pober cu hendenan pober, pero cu POLITIOCONAN MIYONARIO.
No ta pornada boso a caba un estudio academico o universitario, awor a yega e momento pa boso duna bek na boso pais.
Movimiento FUTURO ta un movimiento cu no ta bai den criticanan ariba bida personal, pero ta trece padilanti si cu corahe y balentia tur loke a bai robez, despues di nos Status Aparte 34 aña pasa. Nos no por sigui pa permiti representantenan den Parlamento sigui hiba politica ariba un nivel baho, vil y personal. Ariba dje un stempelparlament.
Parlamento tabata complice di tur e corupcionnan cu a tuma y ta sigui tuma lugar ariba nos pais. Ningun tabata tin e corahe pa lanta para y protesta y laga e voz di pueblo rezona. Un mucha chikito mes por constata cuanto corupcion y ladronicia ta tumando lugar ariba nos pais y pa keda sinta ariba e stul ganando un salario cuantioso boso no ta halza boso boz y para tur abusonan cu a tuma y cu ta tumando lugar den nos pais.
Jamas pueblo lo duna boso confianza.
Esaki loke Movimiento FUTURO PA UN ARUBA NOBO, lo cambia sigur na unda e boz di pueblo realmente lo ta presente den e Cas di Pueblo. Nos lo ejerce un control severo ariba tur Ministernan y percura cu Aruba lo ser goberna den un forma transparente y cu integridad.
Ta pesey abo hende mujer y homber balente y profesional stop di para un banda y critica y ariba dje sigui di ta complice pa nos pais ser destrui.
Ta momento pa salba nos pais y ta pesey si bo ta interesa, actua cu corahe y balentia y manda un e-mail na:atanleesr@gmail.com.
Ta e pueblo so por salba e pueblo den nomber di nos Creador.
Movimiento FUTURO PA UN ARUBA NOBO.