Aruba ta na un punto critico. Despues di e crisis financiero di 2015–2017 bou di AVP y Mike Eman, nos pueblo a paga e consecuencia di su maneho ireseponsabel. Y awe, mesun Eman ta k pusha e Rijkswet HOFA sin respeta Pueblo y Parlamento.
Historia ta ripiti su mesun dolor. Na 1948, AVP a bende Aruba ku Corsou na votashon 12–8, ignorando e 2.147 firmantenan pa separacion. Awe, historia ta ripiti: un grupo chikito ta forsa su boluntad riba nos soberania.
2000–2017:
• Durante MEP: turismo a crece, finansa stabil.
• Durante AVP: gasto publico descontrola, debe grandi, Hulanda a interveni cu KB.
2017–2021:
• Evelyn Wever-Croes bira prome muhe Prime Minister.
• Reforma, gasto controla, turismo ta tene economia
• COVID-19 a destrui turismo y GDP, pero gobierno a logra yuda pueblo con placa fia di Hulanda.
• Hulanda no a cumpli cu esencia di articulo 36 di Statuut, ta pone yen condicion politico pa Aruba presta placa.
• Hulanda ta exigi CHE/COHO y RAFT
2022–2024:
• Recuperacion gradual, turismo ta crece
• Gobierno di MEP a defende Aruba den supervision financiero y ta evita KB
• Surplus 2023 y 2024, debe ta baha y credibidad financiero ta subi.
• Hulanda ta duna Aruba un strafrente di 6,9% pa fiansa di covid
• Ta firma Bestuurlijk Akkoord pa baha interes na 5,1% y bari RAFT for di mesa y negosha un Rijkswet hybride
• Na eleccion 2024, MEP a perde, y AVP-Futuro a tuma poder ta primiti 700 florin extra pa tur pensionado
2025:
• Concepto di Rijkswet HOFA ta keda pero AVP FUTURO no a negosha na beneficio di Aruba
• Mike Eman, Geoffrey Wever y Gerlien Croes ta manda e Rijkswet pa Hulanda contra deseo di Pueblo.
• TUR cu ta pro Rijkswet HOFA ta traiciona nos autonomia.
Conclucion:
HOFA no ta pa beneficio di Aruba, sino pa controla nos pais.
Aruba mester wak ken berdaderamente a defende su interes y ken ta entrega nos autonomia pa interes propio. Pueblo cu lubida su pasado, ta condena pa repiti e mesun erornan.