Uncategorized

Interact Club of International School Aruba a keda instala

Rca 3

Diabierna ultimo e famia di Rotary aki na Aruba a crece cu 20 miembro nobo, na momento cu a instala e di tres Interact Club aki na Aruba. E Interact Club aki ta specificamente pa e alumno nan di International School Aruba. Rotary Club Aruba ta orguyoso di ta e sponsor di esaki. Interact Club of International School Aruba ta un service club pa muchanan di 12 pa 18 aña. Interact Club of International School Aruba a wordo funda dia 3 di oktober 2021. Esaki a pasa despues di diferente combersacion y presentacion na International School of Aruba. E directiva di International School Aruba a acepta e idea cu brasa nan habri y asina e proceso di instalacion a bai den un forma fructifero y liher.

E anochi ceremonial y importante a tuma lugar na Divi Links na unda cu Lufrido Croes, miembro di Rotary Club Aruba y alavez representante di District Governor, tabata presente pa instala e 20 “charter members”. Presidente actual di Rotary Club Aruba, señor Fredrick Nuboer, tabatin e honor di instala e prome presidente di Interact Club of International School Aruba, Benjamin Laclé. Presidente Benjamin na su turno a instala su hunta di directiva cu a wordo eligi door di e 20 alumnonan di International School Aruba, cu tabata interesa pa funda e club aki na nan school. E hunta di directiva di 2021-2022 ta consisti di: Benjamin Laclé como Presidente, Tamer Muyale como Vice-President y Director Service Projects, Secretaria Giovanni Innamorato, Krish Gianchandani como Tesorero, Salvador Bocache como Director Fundraising, Om Bhatia como Director Membership and Fellowship, Ari de Cuba como Director Public Image y Sofia van der Veldt como Sergeant-at-Arms.

Door cu e Interact Club aki ta specificamente pa alumnonan di of International School Aruba a instala tambe e Faculty Advisor cu ta juffrouwnan Elena Duduk y Kim Kelders cu lo ta e representate di International School Aruba na tur e reunionnan di Interact Club. Di parti Rotary Club Aruba a instala dos Rotarians como Advisors pa Interact Club kende ta Ravee Nandwani y Edsel Lopez cu lo guia e Interactors den e reto hopi importante nan dilanti. Hopi ta wordo spera di e 20 miembronan aki cu ya caba a realisa un par di projecto nan. Entre otro nan a haci un beach clean up y a haci un car wash pa reacuda fondo pa Cruz Cora. Di e manera aki nan a cuminsa sirbi e comunidad di Aruba y esnan den mas necesidad.

Presidente Frederick Nuboer a hiba palabra na unda e la elogia e miembronan y directiva nobo di Interact Club of International School Aruba. E la sigui pa splica e rol importante cu nan tin den nos comunidad.

Presidente Benjamin a duna palabra di gradicimento na Rotary Club Aruba pa nan sosten. Tambe a gradici miembronan di Interact Club of Aruba (di Schakel College) y Interact Club of Colegio Arubano y Rotaract Club of Aruba. Benjamin a indica cu e club tin diferente proyectonan cu nan lo kier ehecuta pa e aña aki.

Rotary Club Aruba kier a gradici tur esnan cu a haci e anochi aki posibel. Tambe kier a duna un danki na e personal di Divi Links Aruba pa un tremendo anochi.

Cu e adicion di e 20 miembro nobo nan aki Presidente Frederick Nuboer ta sigur cu hunto nos di e famia di Rotary aki na Aruba lo sigui hasi hopi mas pa e comunidad di Aruba y asina aki cada un di nos lo sa di duna su aporte necesario pa e bienestar di nos comunidad.

E 20 miembro nan di Interact Club of International School Aruba ta: Om Bhatia, Salvador Bocache, Aidan Charley,  Henna Chaudhary, Ari de Cuba, Karan Gianchandani, Krish Gianchandani, Giovanni Innamorato, Aditi Israni, Benjamin Lacle, Nayna Mirchandani, Aashish Modyani, Emelie Morett Lum, Tamer Muyale, Amara Nandwani, Kashish Sadarangani, Kevin Smit, Sofia van der Veldt, Ivan Van Esta Tjallingii y Athena Varde.

Rca 1 ScaledRca 2 ScaledRca 3 ScaledRca 4 ScaledRca 5 Scaled

Related posts

Un persona a keda tira na su cas na Weg Fontein

EA News Author

Segun Parlamentario Hendrik Tevreden : Tin di segura acceso integral na cuminda- tanto fisicamente y economicamente- esaki mester bira e enfoke pa nos pais

EA News Author

Prome morto den trafico pa aña 2022

EA News Author

Leave a Comment

Whatsapp Message