Local

Kiwanis Club of Palm Beach ta anuncia e di 23 Carnaval Masquerade Party


ORANJESTAD,Aruba

Diabierna 3 di januari, Kiwanis Club of Palm Beach a tene un press conference na Neptali Henriquez Park pa asina por anuncia e di 23 Carnaval Masquerade Party. Kiwanis Club of Palm Beach, un biaha mas lo ta organizando nan Masquerade Party, cu tur aña ta wordo cataloga como e fiesta di aña y e hottest party in town. Y manera acustumbra, e fiesta lo bay ta yena cu sorpresa y ambiente. E fiesta aki lo bay tuma lugar 21 di februari 2020 na Renaissance Convention Center y lo cuminza 9:30PM y lo termina 2:30AM. E carchinan lo tin un balor di AWG 450.00 pa pareha caminda ur e fondonan recauda cu e Masquerade Party di Kiwanis Palm Beach to bay bek den nos comunidad. Fondonan cu ta wordo duna bek na mas cu 40 projectonan na Aruba incluyendo e water cooler project, e back to school event, e child seat project y cu ta impacta mas cu 7,000 persona, especialmente nos muchanan. 

E bandanan pa e Masquerade Party lo ta Tsunami, ‘N Fuzion, Robert Jeandor y su Solo Banda Show y tame un di cuater banda cu lo ta Musical Time. E great di e fiesta tambe ta e hecho cu lo tin entertainment pafo di e Renaissance Convention Center cu lo keda como sorpresa. No por keda sin menciona e popular “Ora Loca”, pa cual e Masquerade Party ta bon conoci pe tambe. Sin laga afor e super decoration cu lo bay transforma e convention center den un lugar unico. 

E Masquerade Party ta un fiesta “Open Premium Bar”, pues nada di cash bar of tokens, y Premium Snacks. Tambe lo sirbi e famoso corn chowder soup. Ta e fiesta di aña cu bo no tin cu bin cu cartera. No lo falta tampoco e fabuloso doorprizes y tampoco premionan pa e diferente difraznan.

Pues…..si bo no tin bo carchi ainda, buske liher  cerca cualkier miembro di Kiwanis Club of Palm Beach of communica cu nos via e medionan social, cu e den e caso aki ta nos Facebook page www.facebook.com/kiwanispalmbeach. E fiesta ta conoci pa sold out liher y tin añanan simanan prome cu e fecha, pues probecha reserva y cumpra bo carchi tempran. 

Kiwanis Club of Palm Beach

Kiwanis Club of Palm Beach Aruba ta forma parti di Kiwanis International, un organisacion mundial di voluntario dedica na cambia mundo, cuminsando na un comunidad y un mucha. Nos ta un organisacion den crecimento, dedica na yuda muchanan di mundo henter hisando nan calidad di bida.Pa mas information di Kiwanis Club of Palm Beach bishita nos webpage na www.kiwanispalmbeach.com of nos Facebook fan page na www.facebook.com/kiwanispalmbeach

Related posts

Futura: Supernova girls stem experience a conta cu 125 participante

EA News Author

AZV no ta paga mas  daggeld ni pa aconpañante ami como mama y ni pa e  pashent cu ta usa peg den nos caso mi yiu

EA News Author

Gabinete wever – croes realisando diferente proyecto di vivienda a traves di fcca

EA News Author

Leave a Comment