Di 17 di Mei te ku 7 di Yüni e ekipo di buseo di “2nd Reconnaissance Battalion“ di “2nd Marine Division, United States Marine Corps” tabata na Aruba pa e treinen Caribbean Coastal Warrior. E treinen di buseo anual aki ta forma parti di un programa di interkambio ku e Skuadron di Marina (Marine Squadron Carib -MSC), ku ta ubiká na Aruba. Den esaki tantu e kuerponan di Marina di Merka komo esnan di Hulanda ta traha huntu pa asina profundisá i ampliá nan koperashon ku otro.
E enfoke di e treinen durante e ehersisio tabata riba habilidatnan di buseo táktiko ku un aparato di re-inhalashon, i a keda ehekutá pa tantu un ekipo nobo formá, komo un ekipo di buseo ya ku eksperensia. Pa medio di e treinen aki e kuerponan di Marina ta interkambiá nan habilidatnan tékniko di buseo i tambe nan habilidatnan di buseo di kombate ku otro.
E Marinirnan Merikano i Hulandes ta trein, banda di e ehersisio Caribbean Coastal Warrior, tambe anualmente durante e ehersisio Caribbean Urban Warrior na e Kampamentu Merikano Lejeune na North-Carolina. E ehersisionan konhunto ta sòru pa interkambio di konosementu i eksperensia, durante kua ámbos pais ta siña di otro.
