Na Aruba a scoge pa inverti den algun tram y traha e concepto di infrastructura di tram cu reals cu ta un infrastructura di paisnan grandi na momento cu mester transporta di un parti pa otro cu ta leu di otro. Sinembargo na Aruba a scoge pa inverti y haci tur e gasto aki cu a resulta sin exito unda cu hasta a kibra un cantidad grandi di comerciante den caya principal. Sinembargo no ta un secreto cu e plan y vision di AVP a keda implementa tambe na Boneiro bao di MPB unda cu practicamente ta implementando plan di Aruba cu no a resulta pa Aruba na Boneiro, pero cu algun ahustacion cu ta adapta na e pais. Na Boneiro tampoco no ta mucho contento cu realisacion di cambionan y e comunidad no ta mucho contento cu e desaroyo aki tampoco. Sinembargo pa loke ta trata e tram di Boneiro e turistanan ta gosa unda cu for di barco crucero ta subi tram riba wiel y por keiro destinacionnan rond di Boneiro den un ambiente diferente, un atraccion sigur cu turistanan ta gusta.
Mientras cu Aruba a inverti den miyones pa tram, Boneiro tabata mas creativo y cultural
