Featured Politica

Minister Geoffrey Wever: Proteccion di consumidor ta fundamento di un economia duradero


Recientemente Minister di Asuntonan Economico, Comunicacion y Desaroyo Sostenibel, mr. Geoffrey Wever, a ricibi bishita di mr. Dr. Carlos Bollen di Universidad di Aruba pa un intercambio di idea over di proteccion di consumidor.

Vision di ministerio di Asuntonan Economico, Comunicacion y Desaroyo Sostenibel ta un consumidor consciente y critico. Pa garantiza e meta aki ta esencial proteha derechonan di consumidornan.

Den un intercambio ameno, minister Geoffrey Wever y sr. Carlos Bollen a elabora riba con na un manera efectivo lo duna contenido na e proteccion legal di e consumidornan riba termino corto y largo. Meta primordial ta pa e consumidor ta informa di su derechonan. Banda di e rol di gobierno den e proteccion legal di consumidor tambe a papia over di e importancia di tin un Consumentenbond den practica pa por enforsa activamente e derecho di consumidor.

Minister Geoffrey Wever kier a gradici sr. Carlos Bollen pa su bishita y ta spera di por sigui conta cu su expertisio riba proteccion di nos consumidornan.

Related posts

Prome Minister Evelyn Wever-Croes: Prome Minister ta presenta relato Anual 2021 di su Ministerio

EA News Author

Parlamentario Hendrik Tevreden (MEP): Instructornan di Landamento Escolar awor cu contrato pa largo tempo y mas claridad pa nan trabou y futuro

EA News Author

Hende muhe ta keda marca historia: Pa prome biaha un hende muhe lo ta na cabes di Aruba Softbal Bond

EA News Author

Leave a Comment