FeaturedLocal

Minister Geoffrey Wever: Trabounan di Restoracion di Cas Veneranda den Centro di Oranjestad a Start

20240312 Gbw Cas Veneranda 015

“Cas Veneranda ta un di e edificionan mas iconico di Aruba y semper a duel mi cu e tabata den deterioro. Ora mi a bira Minister di Economia e restoracion di Cas Veneranda tabata un di nos prome proyectonan. Mi vision ‘from day one’ tabata pa crea e sinergia necesario pa subi cantidad di persona cu ta frecuenta den Oranjestad, y cu esaki, e restauracion di Cas Veneranda tabata un di e puntonan focal. Sinembargo, pa realisa esaki no tabata facil.”

Ministerio di Economia a asigna fondo for di su mesun presupuesto pa inverti den e proyecto aki, y lo logra reubica e Departamento di Asunto Economico pa Cas Veneranda. E paso aki a haci e restauracion posibel. “Mi ta hopi contento cu despues di henter e esfuerso di e ultimo dos añanan awe nos por bisa cu e restauracion di Cas Veneranda ta cuminsa,” segun Minister Geoffrey Wever. 

E renovacion ta refleha e dedicacion di e Ministerio di Economia, Comunicacion y Desaroyo Sostenibel pa inverti den centro di Oranjestad.

Renobacion di Cas Veneranda lo brinda no solamente espacio nobo pa oficina pero tambe lo ta ekipa cu panelnan solar pa reduci e gastonan mensual di coriente, aire condiciona eficiente y insulacion— tur esakinan necesario pa transforma e edificio den uno mas sostenibel y “environmentally friendly” posibel. Adicionalmente, lo tin un espacio pa huur pa un restaurant, y tambe lo tin area pa reunion y conferencia.

Durante ultimo lunanan, trabounan preparativo a ser ehecuta den preparacion pa e restauracion, poniendo gran enfasis riba conservacion di e integridad structural y e balor historico di e edificio.

Minister Wever ta subraya cu e reubicacion di e departamentonan di gobierno pa e centro di Oranjestad ta un di e strategianan pa yuda atrae mas bishitante durante oranan di oficina, y di e manera aki, ta beneficia e establicimentonan comercial den e bisindario tambe. Durante su discertacion, Minister di Asunto Economico, Comunicacion y Desaroyo Sostenibel, Sr. Geoffrey Wever, a enfatisa cu e proyecto aki ta un paso importante den e plan di revitalisacion di Oranjestad.

20240312 Gbw Cas Veneranda 05520240312 Gbw Cas Veneranda 04920240312 Gbw Cas Veneranda 00620240312 Gbw Cas Veneranda 003

Related posts

Awe 4 di mart 2021 tin 55 kaso aktivo di Covid-19 na Boneiru. Un kaso aktivo ta bishitante di Boneiru

EA News Author

BOB Aruba: Accion y Planes pa 2024”

EA News Author

Forex, Cryptocurrencies y Market Makers posibilidad pa crea un otro entrada pero na mes momento cu risico si no ta bon innforma

EA News Author

Leave a Comment

Whatsapp Message